विराटनगर । नेपाली काँग्रेसका नेता डा. शेखर कोइरालाको विराटनगर ७ नं. वडामा काँग्रेसका उम्मेदवार मधुबाबु तिवारी विजयी भएका छन् । निवर्तमान वडाध्यक्ष समेत रहेका तिवारी एक हजार ३१२ मत ल्याएर विजयी भएका हुन् ।उनका निकटतम प्रतिस्पर्धी एमालेका दामोदर तिवारीले चार सय ६६ मत ल्याएका छन् । यस्तै एकीकृत समाजवादीका चन्द्रशेखर धाडेवालले तीन सय ९१ मत ल्याए । मधुबाबु यसअघि पनि वडाध्यक्ष थिए । यो क्षेत्र विराटनगरको कोइराला निवास रहेको बजार क्षेत्र पर्दछ ।
