बोनस शेयर प्राप्त गर्नको लागि कर तिर्न कालिका लघुवित्तको आग्रह

कालिका लघुवित्तले आर्थिक वर्ष ७६/७७ बोनस शेयर पाउनको लागि बोनसमा लाग्ने कर तिर्न आग्रह गरेको छ । कम्पनीले जनसेवी लघुवित्तसँग मर्ज भई एकिकृत कारोबार भईसकेपछि शेयर खरीद गरेका लगानीकर्तालाई कर तिर्न आग्रह गरेको हो ।साविक जनसेवी लघुवित्त वित्तीय संस्था लिमिटेड र कालिका लघुवित्त वित्तीय संस्था एक आपसमा मर्ज भई कालिका लघुवित्त वित्तीय संस्था लिमिटेडको नामबाट एकिकृत कारोवार भएको मिति २०७६ पौष २३ गते पश्चात् शेयर खरीद गरेका शेयरधनीहरुको हकमा सो थप शेयरमा प्रचलित आयकर ऐन, २०६३ को दफा ४७(क) अन्तर्गतको व्यवस्था बमोजिम कर लाग्ने र सो कर वापतको रकम शेयरधनी स्वयंले नै तिर्नुपर्ने भएकाले उक्त थप शेयरबाट आर्जित बोनस शेयरमा लाग्ने कर वापतको रकम तिर्न कम्पनीले आग्रह गरेको छ ।कम्पनीको २०७८/०१/०७ मा सम्पन्न १०औं तथा ११औं वार्षिक साधारण सभाबाट आ.व. २०७६/०७७ को मुनाफाबाट शेयरधनीहरुलाई ९.७३ प्रतिशतका दरले बोनस शेयर वितरण गर्ने प्रस्ताव पारित भए बमोजिम उक्त बोनस शेयर मिति २०७८/०९/१९ गतेदेखि शेयरधनीहरुको हितग्राही खातामा जम्मा गरिसकिएको जनाएको छ ।कम्पनीले बोनस वापत कर रकम एनएमबि बैंक लिमिटेड, शाखा कार्यालय वालिङ्गको नाममा रहेको खाता नं. : ०४५००२६६८३८०००१९ मा जम्मा गर्न आग्रह गरेको छ । कम्पनीले रकम जम्मा गरेपछि रकम जम्मा गरेको भौचर कम्पनीको इमेल ठेगाना info@kalikabank.com.np मा पठाउन आग्रह गरेको छ ।रकम जम्मा गरेको भौचर र बैंक खातामा जम्मा भएको रकमसंग भिडान गरी बोनस शेयर हितग्राही खातामा जम्मा गर्ने व्यवस्था मिलाईने कम्पनीले जनाएको छ। कर वापतको रकम बैंकमा जम्मा गर्दा भौचरमा आफ्नो हितग्राही खाता नं., नाम तथा सम्पर्क नम्बर समेत अनिवार्य उल्लेख गर्न समेत कम्पनीले अनुरोध गरेको छ। साथै, भौतिक रुपमा शेयर धारण गर्ने शेयरधनीहरुले समेत आफ्नो शेयर अभौतिकीकरण गराई कर वापतको रकम जम्मा गरी आफ्नो हितग्राही खाता नं. उपलब्ध गराए पश्चात् मात्र बोनस शेयर हितग्राही खातामा जम्मा गरिने कम्पनीले उल्लेख गरेको छ । आफुले प्राप्त गर्ने बोनस शेयरमा लाग्ने करको विवरण कम्पनीको शेयर रजिष्ट्रार एनएमबि क्यापिटल लिमिटेडको वेवसाईट www.nmbcl.com.np मा गई हेर्न सकिने कम्पनीले जनाएको छ। कम्पनीका अनुसार शेयर दाखिला खारेजी बन्द भएको मिति २०७७/१२/१९ भन्दा अघिल्लो दिन सम्ममा आफ्नो शेयर धितोबन्धक राखी कर्जा सुविधा उपभोग गरेका शेयरधनीहरुको बोनस शेयरको कर वापतको रकम जम्मा गर्नु पर्ने भए सो समेत जम्मा गरी सम्बन्धित बैंक तथा वित्तीय संस्थाबाट NO Obiection Letter वा फकवा पत्र (Release Le etter) ICT भए पश्चात् मात्र बोनस शेयर हितग्राही खातामा जम्मा गरिने जनाएको छ।

पूर्ण विवरण

सम्बन्धित सामग्री

साना किसानले २६ प्रतिशत बोनस शेयर दिने

काठमाडौं । साना किसान लघुवित्त वित्तीय संस्थाले आफ्ना शेयरधनीहरुलाई २६ प्रतिशत बोनस शेयर दिने भएको छ । लघुवित्तको सञ्चालक समितिको बैठकले गत आर्थिक वर्षको नाफाबाट उक्त बोनस शेयर दिने घोषणा गरेको हो । त्यस्तै कर तिर्न १.३७ प्रतिशत नगद लाभांश वितरण गर्ने भएको छ । बोनस शेयर नियामक नेपाल राष्ट्र बैंक र साना किसानको आगामी […]

Nepal Press कार्तिक २०७९

१०.९८ प्रतिशत लाभांश दिने सानिमा बैंकको घोषणा

काठमाडौं । सानिमा बैंक १०.९८ प्रतिशत लाभांश दिने घोषणा गरेको छ । बैंकले अघिल्लो वर्ष १८ प्रतिशत लाभांश बाँडेको थियो । बैंकको सञ्चालक समितिले गत आवको नाफाबाट कायम चुक्ता पूँजीको १० प्रतिशत बोनस शेयर दिने प्रस्ताव गरेको हो । यस्तै कर तिर्न ०.९८ प्रतिशत नगद पनि दिने भएको छ । लाभांशको प्रस्ताव कम्पनीको आगामी वार्षिक […]

Nepal Press आश्विन २०७९

गरिमा विकास बैंकको बोनस शेयर पाउन कर तिर्नु पर्ने, यस्तो छ प्रक्रिया

गरिमा विकास बैंकले बोनस शेयर पाउनको लागि कर तिर्न आग्रह गरेको छ । गरिमा विकास बैंक लिमिटेडमा साविक सहारा विकास बैंक लिमिटेड प्राप्ति भई एकीकृत कारोबार गरिएको सन्दर्भमा प्रस्तावित लाभांशमा तिर्नु पर्ने कर मिति २०७८ कार्तिक २८ गते कायम शेयरधनीहरुको हकमा छुट पाउने भएकाले सो मिति भन्दा पछाडी दोस्रो बजारबाट शेयर खरिद बिक्री भई कायम शेयरधनीहरुले प्रस्तावित लाभांश बापत नियमानुसार तिर्नु बुझाउनु पर्ने लाभांश कर नगदै भुक्तान गर्नु पर्ने बैंकले जनाएको हो ।सोहि अनुसार बैंकले २०७८ कार्तिक २८ गते शेयर खरिद गरेका लगानीकर्तालाई बोनस शेयर पाउनको लागि कर तिर्न आग्रह गरेको हो । बैंकको गत चैत्र १८ गते सम्पन्न साधारणसभाले १८ प्रतिशत बोनस शेयर बितरण गर्ने प्रस्ताव पारित गरेको थियो। २०७८ कार्तिक २८ गते अगाडी शेयर खरिद गरेकाले भने कर तिर्नु पर्ने छैन ।बैंकले गरिमा विकास बैंक लिमिटेड, लाजिम्पाट शाखामा NIBLACE Capital-GBBL Bonus Tax 2077-078 नामक खाताको खाता नम्बर 04000101013893000001 मा बोनसमालाग्ने कर जम्मा गर्न आग्रह गरेको छ । कर तिर्दा आफ्नो डिम्याट नम्बर, नाम र मोबाइल नम्बर उल्लेख गर्न बैंकले आग्रह गरेको छ । कर तिरेको भौचर rts@niblcapital मा इमेल मार्फत पठाउन बैंकले आग्रह गरेको छ । आफुले तिर्नु पर्ने करको रकम एनआईबिएल एस क्यापिटलको वेबसाइट र गरिमा विकास बैंकको वेबसाइटमा पनि राखिएको बैंकले उल्लेख गरेको छ । शेयर दाखिला खारेजी बन्द भएको मिति २०७८/१२/०४ भन्दा अघिल्लो दिन सम्ममा आफ्नो शेयर धितोबन्धक राखी कर्जा सुविधा उपभोग गरेका शेयरधनीहरुको बोनस शेयरको कर वापतको रकम जम्मा गर्नु पर्ने भए सो समेत जम्मा गरी सम्बन्धित बैंक तथा वित्तीय संस्थाबाट No Objection Letter वा फुकुवा पत्र (Release Letter) प्राप्त भए पश्चात् मात्र बोनस शेयर हितग्राही खातामा जम्मा गरिने बैंकले जनाएको छ।

Bizpati बैशाख २०७९

बोनसमा लाग्ने कर तिर्न प्राइम बैंकले गर्‍यो आग्रह

चैत १४, काठमाडौं । प्राइम कमर्सियल बैंकको यस वर्षको १६ प्रतिशत बोनस शेयर साबिक कैलाश विकास बैंकलाई प्राप्ति गरेपश्चात् कायम शेयरधनीहरुले कर तिरेपछि मात्र पाउने भएका छन् । कम्पनीले यसवर्ष १६ प्रतिशत बोनस शेयरसँगै शून्य दशमलव ६३ प्रतिशत कर प्रयोजनका लागि नगद लाभांश दिएको छ । तर उक्त कर वापतको नगद २०७६ साल फागुन २८ गतेसम्म कायम शेयरधनीहरुको हकमा मात्र लागू हुने कम्पनीले जानकारी दिएको छ । उक्त नगद लाभांशबाट विगत आर्थिक वर्षहरुको कर रकम असुल गरि बाँकी रकम मात्र वितरण गर्ने कम्पनीको भनाइ छ । कम्पनीले साबिक कैलाश विकास बैंकलाई प्राप्ति गरी गत फागुन २९ गतेदेखि एकीकृत कारोबार शुरु गरेको थियो । यसर्थ फागुन २८ गतेसम्म कायम शेयरधनीहरुमा बोनस शेयर वापतको कर छूट हुने व्यवस्था रहेकाले बोनस शेयर हितग्राही खातामा जम्मा गरिसकिएको जानकारी कम्पनीले दिएको छ । कर दायित्व भएका शेयरधनीहरुको हकको बोनस शेयर भने कर जम्मा गरेपछि मात्र जम्मा गरिने कम्पनीले बताएको छ । कर वापतको रकम भुक्तानी गर्दा शेयरधनी नम्बर, शेयरधनीको नाम, शेयरको प्रकार र भुक्तानी गरिने करको सम्बन्धित आर्थिक वर्षसमेत खुलाउन पनि कम्पनीले भनेको छ ।

Aarthik Abhiyan फाल्गुन २०७८

वोमी लघुवित्तको बोनस शेयर पाउन कर तिर्नु पर्ने, यस्तो छ प्रक्रिया

केहि लगानीकर्ताले वोमी लघुवित्त Womi Microfinance Bittiya Sanstha को बोनस शेयर पाउन कर तिर्नु पर्ने भएको छ । २०७७/१२/०३ गतेदेखि २०७८/०८/२९ गतेसम्म शेयर खरिद गरि कायम भएका शेयरधनीले कम्पनीको १०औं वार्षिक साधारण सभाबाट पारित आ.व.२०७७/०७८ को २० प्रतिशत बोनस पाउन कर तिर्नु पर्ने भएको हो ।संस्थाको शेयर रजिस्ट्रार कुमारी क्यापिटल वा कुमारी बैंक लिमिटेडको कुनैपनि शाखा कार्यालयमा सम्पर्क गरि कर बापतको रकम एकिन गरी कर तिर्न कम्पनीले आग्रह गरेको छ । कम्पनीले कुमारी बैंकमा रहेको KCL-WOMI TAX COLLECTION 2071/78 खाता नं. ०१३००९८४०७२०००३७ मा जम्मा गरी आफ्नो बोनस शेयर प्राप्त गर्न अनुरोध गरेको छ। बुक क्लोजको समयमा शेयर रोक्का रहेका शेयरधनी महानुभावहरुको बोनस शेयर फुकुवापत्र प्राप्त भए पश्चात् मात्र बोनस सेयर खातामा पठाईने कम्पनीले उल्लेख गरेको छ। हालसम्म आफ्नो शेयर अभौतिकीकरण नगरेका शेयरधनीहरुले आफ्नो शेयर अभौतिकीकरण गरेको अवस्थामा बोनस शेयर समेत आफ्नो हितग्राही खातामा प्राप्त गर्न सकिने कम्पनीले जनाएको छ। कम्पनीका अन्सुअर बोनस शेयर बापत लाग्ने करको विवरण शेयर रजिष्ट्रारको Website: www.kumaricapital.com बाट प्राप्त गर्न सकिने छ।कम्पनीको साधारणसभाले हाल कायम चुक्ता पुंजीको २० प्रतिशतले हुन् आउने ८ करोड २३ लाख ८८ हजार ८ सय ८० रुपैयाँ बराबरको बोनस शेयर वितरण गर्ने प्रस्ताव पारित गरेको थियो । वोमी लघुवित्त र ग्रामीण स्वयंसेवक लघुवित्त वित्तीय संस्था एक आपसमा मर्जर भई एकीकृत कारोवार समेत आर्थिक वर्ष २०७७/०७८ मा शुरुवात गरिसकिएको हुँदा आयकर ऐन बमोजिम बोनस शेयरमा लाग्ने कर छुटको सुविधा समेत उपयोग गरिने भएकोले कम्पनीले कर प्रयोजनको लागि नगद लाभांश प्रस्ताव गरेको थिएँन। एकिकृत कारोबारपछि शेयर खरिद गरेकाले आफै कर तिर्नु पर्ने भएको हो ।

Bizpati फाल्गुन २०७८

प्रिमियममा शेयर निष्काशन गर्दा कर नलाग्ने एक्यानको निष्कर्ष, आईक्यानलाई बुझायो प्रतिवेदन

Bizpati मंसिर २०७८

कृषि विकास बैंकले लाभांश दिने

काठमाडौं । कृषि विकास बैंकले लाभांश दिने घोषणा गरेको छ । बैंकको सञ्चालक समिति बैठकले गत वर्षको नाफाबाट २० प्रतिशत बोनस शेयर र कर तिर्न १ दशमलव ०५२६ प्रतिशत नगद लाभांश दिने निर्णय गरेको हो । साथै सरकारको अग्राधिकार शेयरमा पनि ६ प्रतिशत नगद लाभांश दिने जनाएको छ । राष्ट्र बैंक र आगामी साधारण सभाले […]

नेपाल समाचारपत्र मंसिर २०७८

राधी विद्युत् कम्पनीद्वारा शेयरधनीलाई बोनस शेयर बापतको कर तिर्न अनुरोध

भदौ २०, काठमाडौं । राधी विद्युत् कम्पनीले शेयरधनीलाई बोनस शेयर बापत लाग्ने कर तिर्न अनुरोध गरेको छ । कम्पनीले ३६ दशमलव ५ प्रतिशत बोनस शेयर नेपाल स्टक एक्सचेञ्ज र सिडिएस क्लियरिङ लिमिटेडमा सूचीकृत भएकाले उक्त बोनस शेयरमा लाग्ने कर शेयरधनी स्वयमले भुक्तानी गर्नुपर्ने भएकाले कर बापतको रकम जम्मा गर्न अनुरोध गरेको हो । बोनस शेयरमा लाग्ने कर शेयरधनीले भुक्तानी नगरेसम्म उक्त बोनस शेयर फ्रिज हुने कम्पनीले जानकारी गराएको छ । बोनस शेयर अनफ्रिज गर्नका लागि शेयरधनीले यथाशिघ्र बोनस शेयरमा लाग्ने कर बापतको रकम बैंक अफ काठमाडौंको खाता न ०१०००००६३५१७५२४ मा जम्मा गर्न अनुरोध गरेको छ । शेयरधनीले कर बापतको रकम जम्मा गरेपछि मात्र शेयरधनीको खातामा बोनस शेयर आउनेछ । कनेक्ट आइपीएस वा रकम जम्मा गर्दा अनिवार्य रुपमा डिम्याट खाता खुलाउनु पर्नेछ । साथै, बैंक वा कनेक्ट आइपीएस लगायत अन्य विद्युतिय माध्यम मार्फत कर बुझाउने शेयरधनीहरुले सोको भौचर कम्पनीको इमेल raddhihydro123@gmail.com मा पठाउन समेत अनुरोध गरेको छ ।

Aarthik Abhiyan श्रावण २०७८

राधी विद्युत् कम्पनीद्वारा शेयरधनीलाई बोनस शेयर बापत लाग्ने कर तिर्न अनुरोध

भदौ ३, काठमाडौं । राधी विद्युत् कम्पनीले शेयरधनीलाई बोनस शेयर बापत लाग्ने कर तिर्न अनुरोध गरेको छ । कम्पनीले २६ दशमलव ५ प्रतिशत बोनस शेयर नेपाल स्टक एक्सचेञ्ज र सिडिएस एण्ड क्लियरिङ लिमिटेडमा सूचीकृत भएकाले उक्त बोनस शेयरमा लाग्ने कर शेयरधनी स्वयमले भुक्तानी गर्नुपर्ने भएकाले कर बापतको रकम जम्मा गर्न अनुरोध गरेको हो । शेयरधनीले कर बापतको रकम जम्मा गरेपछि मात्र शेयरधनीको खातामा बोनस शेयर आउनेछ । शेयरधनीले कर बापतको रकम बैक खातामा कनेक्ट आइपिएस वा बैंक अफ काठमाडौंको कम्पनीको खाता नं ०१०००००६३५१७५२४ मा जम्मा गर्न अनुरोध गरेको छ । रकम जम्मा गर्दा अनिवार्य रुपमा डिम्याट खाता खुलाउनु पर्ने साथै बैंक वा कनेक्ट आईपीएस लगायत अन्य विद्युतिय माध्यममार्फत कर बुझाउने शेयरधनीहरुले सोको भौचर कम्पनीको इमेल raddhihydro123@gmail.com मा पठाउन अनुरोध गरेको छ ।

Aarthik Abhiyan श्रावण २०७८