छिमेकी देश भारतको बिहार र पश्चिम बंगाल राज्यको व्यापारिक हब हुने सम्भावना बोकेको झापाको बिर्तामोड बजार प्रदेशमै द्रुत गतिमा वृद्धि हुँदै गरेको सहर हो । बंगाल र बिहारबाट बिर्तामोड आउन १६ किलोमिटरको दूरी पार गरे पुग्छ । साविक मेची अञ्चलको प्रमुख व्यापारिक केन्द्र बिर्तामोड तीब्र गतिमा सहरीकरणतर्फ उन्मुख हुँदै गइरहेको छ । पूर्व–पश्चिम जोडने महेन्द्र राजमार्गले बीचमा चिर्ने यो बजार पूर्वको मात्र नभएर देशकै महत्वपूर्ण व्यापारिक केन्द्र हो ।
