माघ २७, काठमाडौं । दुग्ध विकास संस्थान (डीडीसी) ले प्रशोधित स्टान्डर्ड दूधको उपभोक्ता मूल्य प्रतिलिटर रू. ९ ले बढाउने निर्णय गरेको छ ।
मूल्य वृद्धि भएसँगै अब पोकामा उपलब्ध हुने एक लिटर दूधको उपभोक्ता मूल्य रू. ८५ पुगेको छ ।
बुधवार संस्थानको बोर्ड बैठकले शुक्रवारदेखि लागू हुने गरी नयाँ उपभोक्ता मूल्य निर्धारणको निर्णय गरेको स्रोतले जानकारी दिएको छ । कृषि तथा पशुपन्छी विकास मन्त्रालयले बुधवार संस्थानलाई दूधको मूल्य बढाउन अनुमति दिएको थियो ।
