काठमाडौं (अस) । एभरेष्ट बैंक र दराज केमु प्रालि (दराज) ले दराजद्वारा आयोजित दराज ११.११ अभियानमा छुट साझेदारीका लागि सम्झौता गरेका छन् । सम्झौतापत्रमा बैंकका सहायक महाप्रबन्धक आशुतोष शर्मा र दराजका प्रबन्ध निर्देशक लिनो अहलरिङले हस्ताक्षर गरे ।
बैंकले जारी गरेको भिसा डोमेस्टिक डेबिट र क्रेडिट कार्डबाट भुक्तानी गरेर दराज ११.११ अभियानमा दराज प्लेटफर्मबाट खरिद गर्दा ग्राहकलाई छुट दिनेछ । कार्यक्रम ११ नोभेम्बेरमा लाइभ हुनेछ, जहाँ बैंकले दराज एप र वेबसाइटमा एभरेष्ट डेबिट/क्रेडिट कार्ड प्रयोग गरी सामान खरिद गर्नेले १५ प्रतिशतसम्म छुट पाउनेछन् । ग्राहकले क्रेडिट कार्डमा अधिकतम ३ हजार ५०० र डेबिट कार्डमा ३ हजारसम्म छुट पाउन सक्नेछन्
