भदौ २७, काठमाडौं । डिप्रोक्स लघुवित्त वित्तीय संस्था लिमिटेडको ३५ हजार कित्ता संस्थापक शेयर खरीद गर्ने सोमवार अन्तिम दिन रहेको छ ।
कम्पनीले शेयरधनी विष्णु प्रसाद पाठकले विक्री गर्न चाहेको उक्त शेयर लिलामीमा ल्याएको हो । प्रतिकित्ता रू. ६८५ तोकिएको उक्त शेयर खरीदका लागि तोकिएको मूल्य वा सोभन्दा बढी मूल्य अंकित गर्नुपर्नेछ ।
शेयर खरीदका लागि बोलकबोल गर्दा न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । तोकिएको अवधिभित्र प्राप्त आवेदन सोमवार ४ बजे विक्री प्रबन्धक सानिमा क्यापिटल लिमिटेडको पुतलिसडक, काठमाडौंमा खोलिने कार्यक्रम रहेको छ ।
यो शेयर बाँडफाँटमा प्राप्त गर्ने शेयरधनीहरुले आर्थिक वर्ष ०७७/ ७८ को वार्षिक साधारण सभाबाट पारित हुने लाभांशसमेत प्राप्त गर्न योग्य हुनेछन् ।
