महेन्द्रनगर । गणतन्त्र, राष्ट्रियता र धर्म निरपेक्षताको रक्षा गरौँ, ओली सरकारको असंवैधानिक कदम, सङ्घीयता र भ्रष्टाचारको विरोध गरौँ, प्रतिनिधि सभा पुनस्थापना गरौँ मूल नाराका साथ कञ्चनपुरमा राष्ट्रिय जनमोर्चाको प्रशिक्षण भेला सम्पन्न भएको छ ।
राष्ट्रिय जनमोर्चाको एकमहिने अभियानअन्तर्गत लालझाडी गाउँपालिका वडा नम्बर १ को वडामा २०७७ माघ १७ गते सो कार्यक्रम सम्पन्न भएको थियो ।
राजमो जिल्लाध्यक्ष रामबहादुर कार्कीको प्रमुख आतिथ्यता तथा तराई–मधेस जनवादी मोर्चा महासचिव राजाराम चौधरीको विशिष्ट आतिथ्यतामा सम्पन्न भएको उक्त भेलामा उपस्थित सहभागीलाई प्रशिक्षण दिइएको थियो ।
