काठमाडौँ – नेत्रविक्रम चन्द ‘विप्लव’ नेतृत्वको नेकपाले अमेरिकी सहयोग परियोजना एमसीसीको नेपालस्थित कार्यालयमा घेराउ गर्दैछ। आज सोमबार काठमाडौँको शान्ति बाटिका र कमलादीमा भेला भई होटल याक एण्ड यतिमा रहेको एमसीसीको कार्यालय दरबारमार्गमा जाने कार्यक्रम रहेको छ। घेराउ कार्यक्रममा सहभागीले ‘नो एमसीसी’, ‘राष्ट्रिय स्वाधिनताको रक्षा गरौँ’, ‘ गो ब्याक एमसीसी’ जस्ता पम्प्लेट बोकेका छन्।
