५ दिनको अवधिमा वाणिज्य बैंकहरुको २० अर्ब निक्षेप घटेको छ । कार्तिक १ गतेदेखि कार्तिक ५ गतेसम्मको अवधिमा बैंकहरुको निक्षेप २० अर्बले घटेको हो । नेपाल बैंकर्स एसोसिएसनका अनुसार असोज ३१ गते बैंकहरुको निक्षेप ४२ खर्ब ६९ अर्ब रहेकोमा कार्तिक ५ गतेसम्म आईपुग्दा बैंकहरुको निक्षेप २० अर्बले घटेर ४२ खर्ब ४९ अर्बमा सिमित भएको छ । जस मध्ये विदेशी मुद्राको निक्षेप मात्रै १६ अर्बले घटेको छ । यस अवधिमा बैंकहरुले थप कर्जा प्रवाह गरेका छैनन् । असोज ३१ गते बैंकहरुको कुल कर्जा प्रवाह ३९ खर्ब ९८ अर्ब रहेकोमा कार्तिक ५ गतेसम्मको कर्जा पनि ३९ खर्ब ९८ अर्ब नै रहेको छ । निक्षेप बढाउँनको लागि बैंकहरुले मुद्दती खाताको ब्याज बढाएर दोहोरो अंकको डिजिट कायम गरेका थिए । तर राष्ट्र बैंकले अघिल्लो महिनाको तुलनामा १० प्रतिशत मात्र बढाउँन निर्देशन दिएपछि अहिले ब्याजदर एकल अंकमा आएको छ ।
