पशुपतिको सम्पत्तिमा व्यक्ति र स्वार्थ समूहले आँखा गाडे : पर्यटनमन्त्री

२८ असार, काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले पशुपतिनाथ मन्दिरको सम्पत्तिमा व्यक्ति तथा समूहहरुले आँखा गाडेको बताएका छन् ।

आइतबार पशुपति क्षेत्र विकास कोषका पदाधिकारीसँगको छलफलमा मन्त्री भट्टराईले निजी स्वार्थका लागि पशुपतिनाथको सम्पत्तिमा हानी पुर्‍याउने कार्य नियन्त्रण गर्न समेत निर्देशन दिएका छन् ।

पशुपतिनाथका विभिन्न स्थानमा रहेका जग्गाको अतिक्रमणबारे निर्देशन दिँदै मन्त्री भट्टराईले भने, ‘छिट्टै चार किल्ला निश्चित गरेर आफ्नो जग्गामा तारबार गर्नुस्, कसैले कोषको जग्गामा संरचना बनाएको छ भने हटाउनु हो ।’

खासगरी गोठाटारस्थित कोषको जग्गा अतिक्रमण भएको गुनासोप्रति मन्त्री भट्टराईले चासो राखेका थिए ।

उनले कोही अमूक बिचौलियाको हितमा नभई बृहत्तर पशुपति क्षेत्रको हितमा लाग्न पशुपति क्षेत्र विकास कोषका पदाधिकारी तथा कर्मचारीलाई निर्देशन समेत दिएका छन् । भट्टराईले वृहत्तर पशुपति क्षेत्र विकास अन्र्तगत हरेक योजना सो क्षेत्रबाट प्रतिनिधित्व गर्ने संघीय, प्रदेश तथा स्थानीय तहका जनप्रतिनिधि, राजनीतिक दलका प्रतिनिधि र स्थानीय अगुवा राखेर सार्वजानिक सुनुवाई मार्फत अगाडि बढाउन निर्देशन समेत दिए ।

विचौलियाको स्वार्थमा काम हुने गरेको गुनासो सुनिने गरेको समेत उनले बैठकमा बताएका थिए । मन्त्री भट्टराईले पुस २६ मा करिव ८ घण्टा पशुपति क्षेत्रमा स्थलगत भ्रमण गरेका थिए ।

सो भ्रमणका क्रममा तत्कालीन र दीर्घकालीन रुपमा गर्नुपर्ने कामबारे ४८ बुँदे निर्देशन दिएका थिए । त्यसको कार्यान्वयन अवस्थाबारे मन्त्री भट्टराईले कोषको कार्यलयमै समीक्षा बैठक राखेका हुन् ।

पशुपतिलाई राष्ट्रिय गौरवको आयोजना भित्र राखेर राष्ट्रलेे प्राथमिकताको सुचीमा राखेको स्मरण गर्दै उनले पशुपतिमा हुने लगानीले पशुपतिलाई पर्यटकीय गन्तव्यका रुपमा थप परिष्कृत बनाउने उल्लेख गरे ।

उनले यो वर्ष साउनको दोस्रो हप्ताभित्रै बजेट ल्याउन पनि निर्देशन दिए । कोषले लकडाउनको समयमा डेक पार्किङ, वेद विद्याश्रम, डिअर पार्क (मृग उद्यान), भण्डारखाल पार्क, बहुउद्येश्यीय सभाहललगायत निर्माणको विस्तृत परियोजना प्रतिवेदन तयार पारेको उक्त अवसरमा जानकारी दिएको छ ।

सम्बन्धित सामग्री

पशुपतिमा राखियो दाउराबाट शव जलाउने मेसिन

१७ मंसिर, काठमाडौं । पशुपतिनाथ मन्दिर परिसरमा अब दाउराबाट शव जलाउन सक्ने मेसिन जडान भएको छ । संस्कृति, पर्यटन तथा नागरिक उड्डयन मन्त्री योगेश भट्टराईले पशुपतिमा स्थापना गरिएको वातावरण मैत्री शवदाह गृहको अनावरण गरेका छन् …

अनलाइनखबर

विचौलियाको हितमा काम नगर्न पर्यटनमन्त्रीको निर्देशन

काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले कोही अमूक बिचौलियाको हितमा नभई बृहत्तर पशुपति क्षेत्रको हितमा लाग्न पशुपति क्षेत्र विकास कोषका पदाधिकारी तथा कर्मचारीलाई निर्देशन दिएका छन् । आज कोषको समिक्षा बैठकलाई सम्बोधन गर्दै मन्त्री भट्टराईले वृहत्तर पशुपति क्षेत्र विकास अन्र्तगतका हरेक योजनाहरु सो क्षेत्रबाट प्रतिनिधित्व गर्ने संघीय, प्रदेश तथा स्थानीय तहका जनप्रतिनिधि, …

राजधानी दैनिक

पशुपति क्षेत्रको सौन्दर्यीकरण गर्छौं : मन्त्री भट्टराई

काठमाडौं : संस्कृति पर्यटन तथा नागरिक उड्डयन मन्त्री योगेश भट्टराईले धार्मिक र पवित्र स्थलको अनुभूति हुने गरी पशुपति क्षेत्रको सौन्दर्यीकरण गरिने बताएका छन्।​ पशुपति मन्दिरको दक्षिण द्वारको मंगलबार उद्घाटन गर्दै मन्त्री भट्टराईले यस्तो बताएका हुन्। सो द्वार नेपाल एसबीआई बैंकको लगानीमा निर्माण भएको हो।  ...

थाहा खबर

पशुपती क्षेत्रको सौन्दर्यता विकास गरिने

संस्कृति पर्यटन तथा नागरिक उड्डयन मन्त्री योगेश भट्टराईले धार्मिक र पवित्र स्थलको अनुभूति हुने गरी पशुपती क्षेत्रको सौन्दर्यता विकास गरिने बताएका छन्। पशुपती मन्दिरको दक्षिण द्वारको मंगलबार उद्घाटन गर्दै मन्त्री भट्टराईले पशुपती क्षेत्रको सुन्दरतामार्फत भक्तजनहरुलाई धार्मिक र पवित्र तिर्थस्थलमा प्रवेश गरेको अनुभूति दिने गरी पशुपति क्षेत्रको विकास गर्न लागिएको बताए।

नागरिक दैनिक