नेकपा एमाले उदयपुरका नेता तथा कार्यकर्ता नेकपा माओवादी केन्द्रमा प्रवेश गरेका छन् । सोमबार आयोजित कार्यक्रममा माओवादी प्रदेश नं. १ का प्रदेश कमिटी सचिवालय सदस्य तथा उदयपुरका सहइन्चार्ज राजन किराती (बासु) ले उनीहरुलाई पार्टीमा स्वागत गरेका हुन् ।माओवादी केन्द्रमा प्रवेश गर्नेमा एमाले बेलका नगर कमिटी सचिव नुनीराम राई, नगर सदस्य राज कुमार बस्नेतसहित अन्य कार्यकर्ता रहेका छन् । सचिव राईले एमालेले जनताको हितविपरीत गतिविधि गर्दै आएकाले आफूहरु माओवादी केन्द्रमा प्रवेश गरेको बताए ।