चैत १५, काठमाडौं । साताको तेस्रो कारोबार दिन मंगलवार नेप्से परिसूचक १४ दशलमव २६ अंकले घटेको छ ।
यो दिन नेप्से परिसूचक २ हजार ५२७ दशमलव ५८ विन्दुमा झरेको हो । यो दिन कारोबारमा आएका २२५ ओटा धितोपत्रको ३८ लाख ९० हजार १३१ कित्ता शेयर ३१ हजार ४३१ पटकमा रू.१ अर्ब ७५ करोडमा खरीदविक्री भएको छ । कारोबारमा आएका ती धितोपत्रमध्ये यो दिन तीन ओटा धितोपत्रको मूल्यमा सकारात्मक सर्किट लागेको छ ।
इमर्जिङ्ग नेपाल र नेष्डो समृद्ध लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा १० प्रतिशत र नेपाल राष्ट्र उत्थान लघुवित्त वित्तीय संस्थाको शेयरमूल्य ९ दशमलव ९९ प्रतिशतका दरले वृद्धि भएसँगै सकारात्मक सर्किट लागेको हो ।
इमर्जिङ नेपालको शेयरमूल्य प्रतिकित्ता रू. १ हजार १२ दशमलव ३०, नेष्डो समृद्ध लघुवित्तको रू.८७२ दशमलव ६० र नेपाल राष्ट्र उत्थान लघुवित्तको रू. १ हजार ९० दशलमव ६० पुगेको छ । ती तीन ओटै कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो ।
त्यसैगरी यो दिन सबैभन्दा बढी एनआइबिएल समृद्धि फण्ड २ को इकाई मूल्य ४ दशमलव ७३ प्रतिशतले घटेको छ । उक्त फण्डको इकाई मूल्य प्रतिइकाई रू.८ दशलमव ६ कायम भएको छ ।
यस्तै दोस्रोमा मिर्मिरे लघुवित्त वित्तीय संस्थाको शेयरमूल्य ३ दशलमव ६ प्रतिशत घटेर रू. १ हजार २५५ कायम भएको छ । यो दिन सर्वाधिक शेयर खरीदविक्री शिवम् सिमेन्टको भएको छ । कम्पनीको रू.७ करोड ९१ लाख बराबरको शेयर खरीदविक्री भएको छ ।
त्यसैगरी सर्वाधिक शेयर खरीदविक्री हुने दोस्रोमा ग्लोबल आइएमई बैंक रहेको छ । उक्त कम्पनीको रू.७ करोड २६ लाख बराबरको शेयर खरीदविक्री भएको हो । कारोबारमा आएका १३ ओटा समूहगत परिसूचकमध्ये होटल एण्ड टुरिजम समूहको परिसूचक शून्य दशमलव ८३ प्रतिशत बढेको छ भने बाँकी सबै समूहको परिसूचक घटेको हो ।
समूहगत परिसूचक घट्नेमा बैंकिङ समूहको परिसूचक शून्य दशमलव ३४ प्रतिशत, व्यापार समूहको शून्य दशमलव शून्य २ प्रतिशत, विकास बैंक समूहको शून्य दशमलव ६ प्रतिशत, हाइड्रोपावर समूहको शून्य दशमलव ५५ प्रतिशत,वित्त समूहको शून्य दशलमव ७४ प्रतिशत,निर्जीवन बीमा समूहको शून्य दशलमव ६३ प्रतिशत, उत्पादन तथा प्रशोधन समूहको शून्य दशमलव २५ प्रतिशतले घटेको छ ।
त्यस्तै अन्य समूहको शून्य दशलमव ९९ प्रतिशत, लघुवित्त समूहको शून्य दशमलव ६९ प्रतिशत,जीबन बिमा समूहको १दशमलव ५२ प्रतिशत,म्युचुअल फण्डको शून्य दशमलव २६ प्रतिशत र लगानी समूहको परिसूचक शून्य दशमलव १ प्रतिशतका दरले घटेको छ । पछिल्लो केही दिनदेखि बजार निरन्तर घटिरहेको छ ।
बजार घट्दै जाँदा भने करोबार रकम पनि घट्दै गएको छ । यसबाट के बुभ्न सकिन्छ लगानीकर्ताहरु सस्तो मूल्यमा शेयर बेच्न तयार छैनन् अर्थात् बजारमा प्यानिक सेलर सकिएको देखिन्छ ।
सोही कारण बजारमा अव बिस्तारै खरीदकर्ता आउने अनुमान लगाउन सकिन्छ । त्यसो त बजार घटबढ भइरहन्छ । लगानीकर्ताले लगानी गर्नु पूर्व कम्पनीको आधारभुत पक्ष र प्राविधिक पक्ष राम्रोसँग केलाएर लगानी गर्न आवश्यक छ ।
