चैत २०, काठमाडौं । साताको पहिलो कारोबार दिन आइतवार बजार खुलेको एक घण्टाको अवधिमा तीन ओटा धितोपत्रको मूल्यमा सकारात्मक सर्किट लागेको छ ।
उक्त अवधिसम्ममा कारोबारमा आएका २०५ ओटा धितोपत्र मध्ये राष्ट्र उत्थान लघुवित्त वित्तीय संस्थाको शेयरमूल्य १० प्रतिशत, इमर्जिङ नेपाल र नेष्डो समृद्ध लघुवित्तको शेयरमूल्य ९ दशमलव ९९ प्रतिशतका दरले वृद्धि भएसँगै सकारात्मक सर्किट लागेको हो ।
ती तीन ओटै कम्पनीले केही समय अगाडि मात्र आईपीओ निष्कासन गरेका थिए । सोही कारण कम्पनीहरुको शेयरमा विक्रेताभन्दा क्रेता धेरै भएकाले शेयरमूल्य बढेको हो । राष्ट्र उत्थान लघुवित्तको शेयरमूल्य रू. १ हजार ४५१ दशमलव ४०, इमर्जिङ नेपालको रू.१ हजार ३४७ दशलमव २० र नेष्डो समृद्ध लघुवित्तको रू.१ हजार १६१ दशमलव २० पुगेको छ ।
यो समाचार तयार पार्दासम्म नेप्से परिसूचक १५ दशलमव ५६ अंक घटेर २ हजार ५२८ दशलमव ७४ विन्दुमा झरेको छ ।
उक्त अवधिमा कुल रू. ३० करोड बराबरको शेयर खरीदविक्री भएको छ ।
