काठमाडौं । मेटलाइफ नेपालले सिकलसेल एनिमिया न्यूनीकरणमा सहयोग गर्ने भएको छ । मेटलाइफले ग्रामीण महिला उत्थान केन्द्रसँगको समन्वयमा सहयोग गर्ने भएको हो ।
सिकलसेल एनिमिया थारू समुदायमा लाग्ने विशेष रोग हो । दाङ र आसपासका क्षेत्रमा व्याप्त यो रोगका संक्रमित व्यक्तिलाई दैनिक जीवनमा शारीरिक काम गर्न कठिनाइ महसुस हुन्छ ।
मेटलाइफले प्रभावित क्षेत्रका नेता, स्वयम्सेवक र सम्बन्धित सरोकारवालासँगको सहकार्य सचेतना कार्यक्रम सञ्चालनका लागि उक्त केन्द्रसँग सम्झौता गरेको छ । यो कार्यक्रमले रोग, यसको प्रभाव र लक्षणबारे जनचेतना जगाउने उद्देश्य राखेको बताइएको छ । सम्भावित संक्रमितको पहिचान गर्न र सही उपचार शुरू गर्न मद्दतका लागि समुदायका नागरिकलाई रगत परीक्षण गर्न पनि प्रोत्साहन गरिने बताइएको छ ।
