एजेन्सी। पत्नी निशा रावलको निवेदनपछि भारतको चर्चित टेलिचलचित्र अभिनेता करण मेहरा र उनको परिवारविरुद्ध भारतको गोरेगाउँ पुलिश स्टेशनमा उजुरी दर्ता भएको छ। उजुरीमा निशाले करणको परिवारका अजय मेहरा, बेला मेहरा र कुणाल मेहरालाई पनि कुटपीटको आरोप लगाएकी छन्। त्यस्तै निशाले करणमाथि उनको खाताबाट एककरोड भारु निकालेको आरोपसमेत लगाएकी छन्। यसअघि ३१ मेमा पनि पुलिसले निशाको उजुरीपछि करणलाई पक्राउ गरेको थियो।
