हेलम्बु गाउँपालिकाले एकल पुरुषलाई भत्ता वितरण सुरु गरेको छ । गाउँपालिकाले चालू आर्थिक वर्षको दोस्रो चौमासिकबाट एकल पुरुषलाई भत्ता वितरण सुरु गरेको हो ।
श्रीमतीको मृत्यु भएको मृत्यु दर्ता प्रमाणपत्र पेश गरेपछि पुरुषहरुले भत्ता पाउनेछन् । गाउँपालिकाभर रहेका एकल पुरुषको अभिलेखीकरण गरेर भत्ता वितरण सुरु गरिएको गाउँपालिकाले जनाएको छ । अहिलेसम्म १ सय ९५ एकल पुरुषले भत्ता लिइसकेको गाउँपालिका अध्यक्ष निमा ग्याल्जेन शेर्पाले जानकारी दिए ।
