डुबानमा परेका मोरङ सिजुवा गाउँका २० घरपरिवारलाई उद्धार गरिएको छ ।
रतुवामाई नगरपालिका-७, राजावासास्थित रतुवामाई खोलामा पानीको बहाव बढेर बाँध फुटेपछि सिजुवा गाउँ डुबानमा परेको छ ।
सो गाउँका घरपरिवार डुबान परेको भन्ने खबर पाएपछि सशस्त्र प्रहरीको सुरक्षा बेस सौठाबाट उद्धार टोली खटिएको थियो ।
यस्तै झापाको झापा गाउँपालिका-१ मिलन वस्तीका डुबानमा परेका करीब ८५ घरपरिवारलाई सुरक्षित स्थानमा सारिएको सशस्त्र प्रहरीले जनाएको छ ।