परासी । नवलपरासीमा राष्ट्रिय जनमोर्चाको सङ्घर्ष र सङ्गठन परिचालन समितिले सुनवल नगरपालिका वडा नं. ४ हडाहामा २०७७ माघ २४ गते भेला सम्पन्न भएको छ ।
भेलाले गिरिराज ज्ञवालीको अध्यक्षतामा टोल समिति गठन गरेको छ । समितिको उपाध्यक्षमा ललिता गौतम, सचिवमा लक्ष्मी ज्ञवाली, कोषाध्यक्षमा अम्बिका नेपाल र सदस्यहरूमा कृष्ण नेपाल, बेञ्जना गौण र मीना ज्ञवाली रहनुभएको छ ।
भेलालाई प्रमुख अतिथि राष्ट्रिय जनमोर्चाका नेता कृष्णराज पौडेलले भेला सफलताको शुभकामना सहित प्रशिक्षण दिनुभएको थियो ।
भेलामा राष्ट्रिय जनमोर्चा जिल्ला सल्लाहकारद्वय तिलकप्रसाद सुवेदी र उत्तमराज खरेलले शुभकामना मन्तव्य दिनुभएको थियोे भने अखिल नेपाल महिला सङ्घकी जिल्लाध्यक्ष सम्झना सुवेदीले नवनिर्वाचित पदाधिकारीलाई बधाई तथा सफल कार्यकालको शुभकामना व्यक्त गर्नुभएको थियोे ।
