पुस २९, काठमाडौं । उन्नति सहकार्य लघुवित्त वित्तीय संस्थाले सातौं वार्षिक साधारण सभा सम्पन्न गरेकोे छ । सभा पुस २८ गते होटल मौर्या सि.न.पा १३ रुपन्देहीमा सम्पन्न भएको हो ।
सभाले ३० प्रतिशत बोनस शेयर वितरण गर्ने प्रस्ताव पारित गरेको हो । त्यसैगरी, सभाले बोनस शेयर बाँडफाँट पश्चात सर्वसाधारण शेयर स्वामित्व अनुपात ३० प्रतिशत कायम गर्न रू. १ करोड ७८ लाख ४५ हजार ११८ बराबरको एफपीओ निष्कासन गर्ने प्रस्ताव पनि पारित गरेको छ ।
कम्पनीले साधारण सभा प्रयोजनको लागि पुस १४ गते (एक दिन) बुक क्लोज गरेको थियो । यस आधारमा पुस १३ गतेसम्म कायम शेयरधनीले लाभांश पाएका छन् ।
