रोल्पा (अस) । रोल्पाको दुर्गम सुनछहरी गाउँपालिकाको आफ्नै प्रशासनिक भवन बन्ने भएको छ । चालू आर्थिक वर्षमै निर्माण सम्पन्न हुनेगरी निर्माण भइरहेको भवनको हालसम्म ७० प्रतिशत काम सम्पन्न भइसकेको गाउँपालिकाका प्रमुख प्रशासकीय अधिकृत वीरबहादुर पुनले बताए । गाउँपालिकाको वित्तीय समानीकरणबाट ४ करोड ५२ लाख र जिल्ला समन्वय समितिबाट ४६ करोड अनुदानमा अत्याधुनिक भवन निर्माणको जिम्मा ज्ञानज्योति बिल्डर्सले लिएको छ ।
केही समय अघिसम्म भाडाको घरमा र हाल साँघुरो भवनबाट सेवा सञ्चालन गरिरहेको सुनछहरी गाउँपालिकाले अब आफ्नै भवनबाट सहजरूपमा सेवा प्रवाह गर्ने भएको छ ।
