महालक्ष्मी विकास बैंकलाई साधारणसभा र संचालकको निर्वाचन गर्ने बाटो खुलेको छ । उच्च अदालत पाटनले यस विषयमा परेको मुद्दामा अन्तरिम आदेश दिन अस्विकार गरेपछि बैंकलाई साधारणसभा गर्ने र संचालकको निर्वाचन गर्ने बाटो खुलेको हो ।बैंकका शेयरधनी गिरिराज पोख्रेल र प्रमोद श्रेष्ठले बैंकको साधारणसभा र निर्वाचन कार्यक्रम रोक्न माग गर्दै उच्च अदालतमा रिट दायर गरेका थिए। अदालतले बैंकको साधारणसभा र निर्वाचन कार्यक्रम रोक्न आदेश दिएको थियो । यस समबन्धि मुद्दामा आज पनि सुनुवाई भएकोमा अदालतले अन्तरिम आदेश नहुने फैसला गरेको हो । न्यायाधीश विपुल न्यौपाने र निलम पौडेलको संयुक्त इजलाशले निवेदकको माग बमोजिमको अन्तरिम आदेश नहुने फैसला गरेको हो । यस संगै बैंकलाई साधारणसभा गर्ने र संचालकको निर्वाचन गर्ने बाटो खुलेको हो । बैंकले पुस २५ गते आइतबारको लागि साधारणसभा आह्वान गरेको थियो । सो सभामा अदालतले निर्वाचनको कार्यक्रम नगर्न आदेश दिएको थियो । तर गणपुरक संख्या नपुगेपछि सो दिनको सभा स्थगित भएर माघ ३ गतेको लागि सभा आह्वान भएको थियो । अदालतको आदेशपछि आज माघ ३ दिने गतेको लागि तोकिएको सभा पनि स्थगित भएको छ । अदालतको आदेश संगै अब बैंकले साधारणसभाको अर्को मिति तोक्ने छ । कम्पनीले आर्थिक बर्ष २०७७-०७८ को मुनाफाबाट २१.०५ प्रतिशत लाभांश वितरण गर्ने प्रस्ताव गरेको हो। कम्पनीले २० प्रतिशत बोनस सेयर र कर प्रयोजन सहित १.०५२६ नगद लाभांश बितरण गर्ने प्रस्ताव गरेको हो। कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ । कम्पनीले साधारणसभा प्रयोजनको लागि पुस १३ गते बुक क्लोज गर्ने निर्णय गरेको छ । पुस १२ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
