चालु आर्थिक वर्षको नौं महिनामा मुलुकको भुक्तानी सन्तुलन २ खर्ब ६८ अर्ब घाटामा गएको छ । चैतमा मात्रै करिब १० अर्ब घाटा बढेको छ । नेपाल राष्ट्र बैंकले सार्वजनिक गरेको पछिल्लो वित्तीय प्रतिवेदनअनुसार चैत मसान्तसम्म भुक्तानी सन्तुलन अर्थात शोधनान्तर स्थिति २ खर्ब ६८ अर्बले घाटामा देखिएको हो । अघिल्लो वर्ष यसै अवधिमा ४२ अर्ब ५४ करोडले बचतमा थियो । मुलुकमा भित्रिने र बाहिरिने रकमको अन्तर नै शोधनान्तर स्थिति हो । मुलुकमा भित्रिनेभन्दा बाहिरिने रकम धेरै हुँदा शोधनान्तर स्थिति घाटामा जान्छ ।
