वैशाख २२, काठमाडौं । नेप्से परिसूचक बुधवार शून्य दशमलव १९ प्रतिशत घटेर २ हजार ६४९ दशमलव ६० विन्दुमा बन्द भएको छ ।
यो दिन बजार ५ दशमलव शून्य ९ अंकले घटेको हो । मंगलवार शून्य दशमलव शून्य ७ प्रतिशत बढेर २ हजार ६५४ दशमलव ६९ विन्दुमा बन्द भएको बजार बुधवार २ हजार ६७५ दशमलव ९५ विन्दुदेखि खुलेको हो । सेन्सेटिभ इन्डेक्स पनि यसदिन शून्य दशमलव ३४ प्रतिशत अर्थात् १ दशमलव ६३ अंकले घटेर ४७३ दशमलव ८१ विन्दुमा झरेको छ ।
यसदिन २१८ ओटा कम्पनीको रू. ६ अर्ब २१ करोड ६८ लाख १४ हजार बराबरको १ करोड ४८ लाख ६७ हजार ९९५ कित्ता शेयर खरीदविक्री भएको छ । ७८ हजार ७७१ पटकको व्यापारमा उक्त रकम बराबरको शेयर कारोबार भएको हो ।
यो दिन प्रभु इन्स्योरेन्स कम्पनीको संस्थापक शेयरको सबैभन्दा बढी कारोबार भएको छ । यस कम्पनीको २३ करोड ६९ लाख ६८ हजार बराबरको संस्थापक शेयर कारोबार भएको हो ।
बुधवारको बजारबाट जलविद्युत् समूहका लगानीकर्ताहरुले सर्वाधिक कमाएका छन् । यो दिन जलविद्युत् समूहको परिसूचक सर्वाधिक १ दशमलव ७३ प्रतिशत बढेको छ ।
दुई ओटा जलविद्युत् कम्पनी रैराङ हाइड्रोपावर र रिडी हाइड्रोपावरको शेयरमूल्य १० प्रतिशतले बढेको छ भने अन्य १४ ओटा कम्पनीको शेयरमूल्य ९ प्रतिशतभन्दा बढीले बृद्धि भएको छ ।
यस दिन विशाल बजार कम्पनीको ९ दशमलव ९९ प्रतिशत, महिला लघुवित्तको ९ दशमलव ९८ प्रतिशत, सिंगटी हाइड्रोको ९ दशमलव ९८ प्रतिशत, छ्याङ्दी हाइड्रोको ९ दशमलव ९७ प्रतिशत, समता घरेलु लघुवित्तको ९ दशमलव ९२ प्रतिशत, युनियन हाइड्रोपावरको ९ दशमलव ८० प्रतिशत, जोशी हाइड्रोपावरको ९ दशमलव ७२ प्रतिशत, बरुण हाइड्रोको ९ दशमलव ७२ प्रतिशत बढेको छ ।
त्यसैगरी राधी विद्युतको ९ दशमलव ७१ प्रतिशत, खानीखोला हाइड्रोको ९ दशमलव ४९ प्रतिशत, घलेम्दी हाइड्रोको ९ दशमलव ४७ प्रतिशत, आँखुखोला जलविद्युतको ९ दशमलव ४३ प्रतिशत, ङादी ग्रुपको ९ दशमलव ३८ प्रतिशत र लिवर्टी ईनर्जीको ९ दशमलव शून्य १ प्रतिशत शेयरमूल्य बढेको हो ।
जलविद्युत् समूहसँगै यसदिन वित्त समूहको परिसूचक शून्य दशमलव ८१ प्रतिशत, व्यापारिकको शून्य दशमलव २४ प्रतिशत र निर्जीवन बीमा समूहको शून्य दशमलव शून्य ७ प्रतिशत बढेको छ । बुधवार उत्पादन तथा प्रशोधन समूहको परिसूचक सर्वाधिक १ दशमलव १५ प्रतिशत घटेको छ ।
त्यस्तै होटल्स तथा पर्यटन समूहको १ दशमलव १३ प्रतिशत, अन्यको १ दशमलव शूून्य ५ प्रतिशत, बैंकिङ्गको शून्य दशमलव २८ प्रतिशत, विकास बैंकको शून्य दशमलव १२ प्रतिशत परिसूचक घटेको छ ।
त्यस्तै लघुवित्तको शून्य दशमलव शून्य ७ प्रतिशत, जीवन बीमा समूहको शून्य दशमलव ३२ प्रतिशत, म्युचुअल फण्डको शून्य दशमलव १२ प्रतिशत र लगानी समूहको शून्य दशमलव ५१ प्रतिशत परिसूचक घटेको छ ।
