काठमाडौं । शिवम् सिमेन्ट्स लिमिटेडले चालू आर्थिक वर्षको दोस्रो त्रैमाससम्म रू. ३२ करोड ९० लाखभन्दा बढी खुद नाफा गरेको छ । गत वर्ष यस अवधिसम्म रू. ४२ करोड ७३ लाखभन्दा बढी खुद नाफा गरेको कम्पनीले यस वर्ष २२ दशमलव ९९ प्रतिशत कम खुद नाफा गरेको हो ।
यस वर्ष कम्पनीको कुल आम्दानी साढे २० प्रतिशत कम भएकाले खुद नाफा घटेको हो । गत वर्ष रू. ४ अर्ब ६१ करोडभन्दा बढी कुल आम्दानी गरेको कम्पनीले यस वर्ष रू. ३ अर्ब ३३ करोडभन्दा बढी कुल खर्च गरेको हो । हाल कम्पनीको चुक्तापूँजी रू. ४ अर्ब ४० करोड रहेको छ भने जगेडा कोष रकम रू. ४ अर्ब ७० करोडभन्दा बढी रहेको छ ।
वार्षिक प्रतिशेयर आम्दानी रू. १४ दशमलव ९६ रहेको कम्पनीको प्रतिशेयर नेटवर्थ रू. २०६ दशमलव ८५ रहेको छ ।
वित्तीय विवरण हेर्न यहाँ क्लिक गर्नुहोस्
