विद्युत् विक्री आम्दानी घट्दा बरुण हाइड्रोको नाफा ६५.२३% घट्यो

भदौ १६, काठमाडौं । बरुण हाइड्रोपावर कम्पनी लिमिटेडले गत आर्थिक वर्षको चौथो त्रैमाससम्मको अपरिस्कृत वित्तीय विवरण बुधवार सार्वजनिक गरेको छ । उक्त विवरण अनुसार कम्पनीको नाफा अघिल्लो वर्षभन्दा ६५ दशमलव २३ प्रतिशत कम भएको छ । अघिल्लो वर्ष रू. ६४ लाख १४ हजारभन्दा बढी खुद नाफा गरेको कम्पनीले गत वर्ष रू. २२ लाख ३० हजारभन्दा बढी मात्र यो नाफा गरेको हो । अघिल्लो वर्षभन्दा विद्युत् विक्री आम्दानी २९ दशमलव ७० प्रतिशत कम भएको र आयोजना लागत ६९ प्रतिशत बढी भएकाले सञ्चालन नाफा २२ दशमलव ८० प्रतिशत कम भएको छ । सञ्चालन नाफा घटेसँगै कम्पनीको खुद नाफामा कमी आएको हो । अघिल्लो वर्ष रू. ८ करोड ५० लाखभन्दा बढी विद्युत् विक्री गरेको कम्पनीले गत वर्ष रू. ५ करोड ९७ लाखभन्दा बढीको मात्र विक्री गरेको हो । गत वर्ष उक्त अवधिमा प्रसारण लाइनका कारण आयोजना पूर्ण क्षमतामा चल्न नपाएकाले विद्युत् विक्री आम्दानी घट्न गएको कम्पनीले जानकारी दिएको छ । अघिल्लो वर्ष रू. ५९ लाख ५६ हजार आयोजना लागतमा खर्चिएको कम्पनीले गत वर्ष रू. १ करोडभन्दा बढी खर्चिएको छ । आम्दानी कम र खर्च बढी भएको गत वर्ष कम्पनीको सञ्चालन नाफा रू. ४ करोड २९ लाखभन्दा बढी रहेको छ । यो रकम अघिल्लो वर्षको यसै अवधिसम्म रू. ५ करोड ५५ लाखभन्दा बढी रहेको थियो । ५ प्रतिशत बोनस शेयरपश्चात कम्पनीको हाल चुक्तापूँजी रू. २६ करोड ७९ लाख ७ हजार कायम भएको छ । कम्पनीको रिटेन्ड अर्निङ भने ६९ प्रतिशत कम रू. ५० लाख २४ हजार रहेको छ । गत चौथो त्रैमाससम्म कम्पनीको प्रतिशेयर आम्दानी रू. शून्य दशमलव ९६ र प्रतिशेयर नेटवर्थ रू. १०१ दशमलव ८८ रहेको छ । स्रोतः कम्पनीले सार्वजनिक गरेको वित्तीय विवरण

पूर्ण विवरण

सम्बन्धित सामग्री

विद्युत विक्री आम्दानी घटेसँगै घट्यो सानिमा माई हाइड्रोको नाफा, अन्य सूचक कस्ता ?

Aarthik Abhiyan चैत्र २०७९

हिमाल दोलखा हाइड्रोको साधारणसभा स्थगित

हिमाल दोलखा हाइड्रोको साधारणसभा स्थगित भएको छ । कम्पनीले भदौ ३ गते साधारणसभा आह्वान गरेकोमा शेयरधनीको उपस्थीतको गणपुरक संख्या नपुगेपछि साधारणसभा स्थगित भएको हो । कम्पनीले अर्को साधारणसभाको मिति तय भईनसकेको र मिति तय पछि सार्वजनिक सूचना जारी गरिने जनाएको छ ।कम्पनीले एक साथ १३ औ र १४ औ साधारणसभा आह्वान गरेको थियो । सभामा हकप्रद सहितका विविध प्रस्ताव पेश गर्ने कार्यसूची थियो । कम्पनीले हाल कायम भएको चुक्ता पुंजि एक अर्ब साठी करोडको १:०.७५ को अनुपातमा ७५ प्रतिशत हकप्रद शेयर जारी गर्ने प्रस्ताव पेश गर्न लागेको हो। यस्ता थिए सभामा पेश हुने प्रस्तावहरु : क) साधारण प्रस्तावहरु :१) सञ्चालक समितिको तर्फबाट प्रस्तुत हुने आ.ब. २०७६/०७७ र २०७७/७८ को वार्षिक प्रतिवेदन उपर छलफल गरी पारित गर्ने।२) लेखा परिक्षकको प्रतिवेदन सहितको आ.ब. २०७४/०७७ र २०७७/७८ को वासलात, नाफा नोक्सान हिसाब तथा नगद प्रवाह विवरण लगायत सो सँग सम्बन्धित अनुसूचीहरु माथि छलफल गरी पारित गर्ने ।३) आ.ब. २०७४/०७५ को लागि लेखा परीक्षकको नियुक्ती र निजको पारिश्रमिक निर्धारण गर्ने ।४ कम्पनीको संस्थापक शेयरधनीहरको तर्फबाट ३ जना र सर्वसाधारण शेयरधनीहरुको तर्फबाट २ जना संचालकको नियुक्ती गर्ने ।ख) विशेष प्रस्तावहरु :(१) कम्पनीको हाल कायम भएको चुक्ता पुंजि रु.१,६००,०००,०००/-(एक अर्ब साठी करोड मात्र) को ७५ प्रतिशत अर्थात (१:०.७५को अनुपात हकप्रद शेयर जारी गर्ने वारे ।(२) हकप्रद शेयर जारी पश्चात कायम हुने अधिकृत पुजि रु.२.८००,०००,000/- दुइ अर्ब असी करोड मात्र) र जारी तथा चुक्ता पुँजि रु.२,८००,०००,०००/-(दह अर्ब असी करोड मात्र) अनुरूप हुने गरी कम्पनीको प्रबन्धपत्र को दफा ६का, ख) मा संसोधन गर्ने बारे।(३) कम्पनीको हाल कायम भएको प्रबन्धपत्र को दफा ६.घ। र ७ (क) नियमावलीको नियम १८(६,१९ (७),२०,२३ (१) र २७१क) मा संसोधनगर्ने बारे।

Bizpati श्रावण २०७९

६५ % पूँजी वृद्धि गरेको अरुण भ्याली हाइड्रोको नाफा ४० % भन्दा बढीले वृद्धि

वैशाख २८, काठमाडौं । चालू आर्थिक वर्षको ९ महीनामा अरुण भ्याली हाइड्रोपावर डेभलपमेन्ट कम्पनी लिमिटेडले रू. ९ करोड ९९ लाखभन्दा बढी खुद नाफा गरेको छ । गत वर्षको तुलनामा यस वर्ष कम्पनीको खुद नाफा ४० दशमलव १८ प्रतिशत बढी भएको हो । गत वर्ष यस अवधिसम्म कम्पनीको खुद नाफा रू. ७ करोड १३ लाखभन्दा बढी थियो । विद्युत् विक्री आम्दानी यस वर्ष ६२ दशमलव ८७ प्रतिशत बढेसँगै कम्पनीको सञ्चालन नाफा ३२ दशमलव ८३ प्रतिशत वृद्धि भएको छ । गत वर्ष रू. ४ करोड २५ लाखभन्दा बढीको विद्युत् विक्री गरेको कम्पनीले यस वर्ष रू. ६ करोड ९२ लाखभन्दा बढीको विद्युत् विक्री गरेको छ । सञ्चालन नाफा भने गत वर्ष रू. ९ करोड ८२ लाखभन्दा बढी भएकोमा यस वर्ष रू. १३ करोड ५ लाखभन्दा बढी भएको छ । कम्पनीले बोनस शेयर र हकप्रद शेयर मार्फत ६५ प्रतिशतले चुक्तापूँजी बढाएर रू. १ अर्ब ७२ करोड ९५ लाख ९५ हजार कायम गरेको छ । जगेडा कोष रकम ६४ प्रतिशत बढेर रू. १६ करोड २ लाखभन्दा बढी कायम भएको छ । वार्षिक प्रतिशेयर आम्दानी रू. ७ दशमलव ७१ रहेको कम्पनीको प्रतिशेयर नेटवर्थ रू. १०९ दशमलव २७ रहेको छ । मूल्य आम्दानी अनुपात भने ५३ दशमलव ५८ रहेको छ ।

Aarthik Abhiyan चैत्र २०७८

युनियन हाइड्रोको नाफा यस वर्ष करीब ३ गुणाले वृद्धि

वैशाख १६, काठमाडौं । युनियन हाइड्रोपावर लिमिटेडको नाफा यस वर्ष करीब ३ गुणाले बढेको छ । कम्पनीले सार्वजनिक गरेको चालू आर्थिक वर्षको तेस्रो त्रैमाससम्मको अपरिस्कृत वित्तीय विवरण अनुसार यस वर्ष रू. २ करोड ५५ लाखभन्दा बढी खुद नाफा भएको हो । यो नाफा गत वर्ष यसै अवधिसम्म रू. ८९ लाख ६७ हजार रहेको थियो । यस वर्ष कम्पनीको कुल आम्दानी १९ दशमलव ४२ प्रतिशत वृद्धि भएको छ । गत वर्ष रू. ५ करोड ५३ लाखभन्दा बढी कुल आम्दानी गरेको कम्पनीले यस वर्ष रू. ६ करोड ६० लाखभन्दा बढी कुल आम्दानी गरेको हो । कुल आम्दानी वृद्धि भएसँगै कम्पनीको सञ्चालन नाफा २६ प्रतिशत बढी रू. ५ करोड २८ लाख भएको छ । हाल रू. ७५ करोड चुक्तापूँजी रहेको कम्पनीको जगेडा कोष रकम भने रू. ५ करोड ४ लाखभन्दा बढी ऋणात्मक देखिएको छ । गत वर्षको भन्दा यस वर्ष जगेडा कोषको ऋणात्मक अवस्थामा ३२ प्रतिशत सुधार देखिएको हो । गत वर्ष यस अवधिसम्म कम्पनीको जगेडा कोष रकम रू. ७ करोड ४२ लाखभन्दा बढी ऋणात्मक रहेको थियो । कम्पनीको कर्जा रकम गत वर्षभन्दा २६ दशमलव २५ प्रतिशत कम रू. ९ करोड ५८ लाख रहेको छ । वार्षिक प्रतिशेयर आम्दानी रू. ४ दशमलव ५५ रहेको कम्पनीको प्रतिशेयर नेटवर्थ रू. ९३ दशमलव २७ रहेको छ ।

Aarthik Abhiyan चैत्र २०७८

घलेम्दी हाइड्रोको नाफामा वृद्धि

घलेम्दी हाइड्रो लिमिटेडले चालु आर्थिक वर्ष दोस्रो त्रैमासको अपरिष्कृत वित्तीय विवरण सार्वजनिक गरेको छ ।उक्त विवरण अनुसार कम्पनीको नाफामा वृद्धि देखिएको छ । समीक्षा अवधिसम्म आइपुग्दा कम्पनीले २० लाख ७ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको यसै अवधिमा कम्पनीको मुनाफा ९६ लाख ७२ हजार रुपैयाँ ऋणात्मक थियो । […]

कारोबार दैनिक पौष २०७८

घलेम्दी हाइड्रोको नाफा बढ्यो

काठमाडौँ– घलेम्दी हाइड्रो लिमिटेडले चालु आर्थिक वर्ष दोस्रो त्रैमासको अपरिष्कृत वित्तीय विवरण सार्वजनिक गरेको छ । उक्त विवरण अनुसार कम्पनीको नाफामा बृद्धि देखिएको छ । समिक्षा अवधिसम्म आइपुग्दा कम्पनीले २० लाख ७ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको यसै अवधिमा कम्पनीको खुद मुनाफा ९६ लाख ७२ हजार रुपैयाँ […]

Khabarhub पौष २०७८

घलेम्दी हाइड्रोको नाफामा वृद्धि

घलेम्दी हाइड्रो लिमिटेडले चालु आर्थिक वर्ष दोस्रो त्रैमासमा आफ्नो नाफामा आकर्षक वृद्धि गरेको छ । अघिल्लो आर्थिक वर्षको सोही अवधिमा ९६ लाख ७२ हजार रुपैयाँ ऋणात्मक रहेको कम्पनीले यस वर्ष २० लाख ७ हजार रुपैयाँ खुद नाफा आर्जन गर्न सफल भएको हो । समीक्षा अवधिमा कम्पनीले इन्स्योरेन्स बापतको १ करोड ५० लाख रुपैयाँ प्राप्त गरेपछि कम्पनी मुनाफामा आकर्षक वृद्धि देखिएको हो । यसैगरी, दोस्रो त्रैमासमा कम्पनीले बिजुली बिक्री मार्फत १ करोड ६४ लाख ८४ हजार रुपैयाँ आम्दानी गरेको छ । गत आर्थिक वर्षको यसै अ

Ratopati पौष २०७८

घलेम्दी हाइड्रोको साधारणसभा आह्वान

घलेम्दी हाइड्रोले साधारणसभा आह्वान गरेको छ । कम्पनीले पुस १६ गते बिहान ११ बजे काठमाडौँको नयाँ बजार स्थित सासा ब्यान्क्वेटमा सभा आह्वान गरेको हो । कम्पनीले साधारणसभा प्रयोजनको लागि पुस ५ गतेदेखि पुस १६ गतेसम्म बुक क्लोज गर्ने निर्णय गरेको छ । पुस ४ गतेसम्म कायम शेयरधनीले मात्र साधारणसभामा भाग लिन सक्ने छन् । कम्पनीको सभामा सञ्चालक समितिको तर्फबाट अध्यक्षले प्रस्तुत गर्ने आ.व.२०७७/०७८ को वार्षिक प्रतिवेदन उपर छलफल गरी पारित गर्ने, लेखापरिक्षकको प्रतिवेदन सहितको आ.व.२०७७/०७८ को वासलात,नाफा नोक्सान हिसाव, नगद प्रवाह विवरण र सो सम्बन्धित अनुसूचीहरु उपर छलफल गरी स्वीकृत गर्ने, कम्पनी ऐन २०६३ को दफा १११ बमोजिम आ.व. २०७८/०७९ को लेखापरीक्षण कार्यको लागि लेखापरिक्षकको नियुक्ती गर्ने र निजको पारिश्रमिक निर्धारण गर्ने तथा कम्पनीको प्रवन्ध पत्र तथा नियमावली वमोजिम संस्थापक तर्फको संचालक समिति गठन गर्ने प्रस्तावहरु पेश हुने छन् । कम्पनीले लाभांश प्रस्ताव गरेको छैन ।

Bizpati कार्तिक २०७८

यस वर्ष करीब २५ गुणाले बढ्यो नेशनल हाइड्रोको नाफा

मंसिर १९,काठमाडौ । नेशनल हाइड्रोपावर कम्पनी लिमिटेडले चालू आर्थिक वर्षको पहिलो त्रैमाससम्मको वित्तीय विवरण आइतवार सार्वजनिक गरेको छ । कम्पनीले सार्वजनिक गरेको अपरिस्कृत वित्तीय विवरण अनुसार यस वर्ष गत वर्षभन्दा २४ दशमलव ७२ गुणाले कम्पनीको खुुद नाफामा वृद्धि भएको छ । गत वर्ष रू. २ करोड ३७ लाख ६५ हजार खुद नाफा गरेको कम्पनीले यस वर्ष रू. ५८ करोड ७४ लाख ४३ हजार यो नाफा गरेको हो । गत वर्षभन्दा यस वर्ष कम विद्युत् विक्री गरेको कम्पनीको राइट ब्याक प्रोभिजनका कारण नाफामा उल्लेख्य वृद्धि भएको हो । राइट ब्याक प्रोभिजन अघि रू. २ करोड ९८ लाख ३ हजार नोक्सानीमा रहेको कम्पनीले रू. ६१ करोड ७२ लाख ४७ हजार राइट ब्याक प्रोभिजन गरेकाले खुद नाफा गर्न सफल भएको हो । कम्पनीको विद्युत विक्री आम्दानी गत वर्षको भन्दा घटेको छ । गत वर्ष विद्युत विक्रीबाट रू. ६ करोड ६४ लाख १४ हजार आम्दानी गरेको कम्पनीले यस वर्ष साढे ७९ प्रतिशत कम रू. १ करोड ३५ लाख ७६ हजार मात्र विद्युुत् विक्रीबाट आम्दानी गरेको हो । विद्युत् विक्री आम्दानीमा कमि र व्यवस्थापकीय खर्च वृद्धि भएसँगै कम्पनी रू. १ करोड ४७ लाख ४१ हजार सञ्चालन घाटामा रहेको थियो । हाल कम्पनीको चुक्तापूूँजी रू. १ अर्ब ३८ करोड ५९ लाख ११ हजार छ । खुद नाफामा उल्लेख्य वृद्धि भएसँगै गत वर्षसम्म रू. ३८ ककरोड १० लाख ६८ हजार ऋणात्मक रहेको जगेडा कोष रकम ऋणात्मक अवस्थादेखि सुधारिएर रू. २३ करोड २२ लाख ३८ हजार कायम भएको छ । कम्पनीको वार्षिक प्रतिशेयर आम्दानी रू. ४१ दशमलव ३१ र प्रतिशेयर नेटवर्थ रू. ११६ दशमलव ७६ छ । सरकारले कम्पनीलाई ४ दशमलव ५ मेगावाट क्षमताको तल्लो इन्द्रावती जलविद्युत् आयोजना निर्माणका लागि कात्तिक २८ गते अनुमति दिइसकेको छ । बोलकबोल माध्यमबाट अनुमति पत्र प्रदान गर्ने नीति लिएर गराइएकोे प्रतिस्पर्धामा कम्पनीको प्राविधिक तथा आर्थिक प्रस्ताव सर्वोत्कृष्ट ठहरिएको थियो । उक्त आयोजनामा गरिएको लगानीमध्ये रू. ६१ करोड ७२ लाख ४७ हजार राइट ब्याक प्रोभिजन गरिएको जानकारीसमेत कम्पनीले दिएको छ । यो पनि हेर्नुस् : नेशनल हाइड्रोले पायो तल्लो इन्द्रावतीको सर्भेे लाइसेन्स चौथो त्रैमासमा नेशनल हाइड्रोपावर २ करोड २१ लाख नोक्सानीमा

Aarthik Abhiyan कार्तिक २०७८

विद्युत् विक्रीबाट करीब ६४% बढी आम्दानी गरेको रैराङ हाइड्रोको नाफा ४% बढ्यो

वैशाख २०, काठमाडौं । चालू आर्थिक वर्षको तेस्रो त्रैमाससम्म रैराङ हाइड्रोपावर डेभलपमेण्ट कम्पनी लिमिटेडले रू. ३ करोड ८५ लाख २१ हजार खुद नाफा गरेको छ । गत वर्षभन्दा यस वर्ष कम्पनीको यो नाफा ४ दशमलव ३८ प्रतिशत बढी भएको हो । गत वर्ष यस अवधिसम्म कम्पनीले रू. ३ करोड ६९ लाख ४ हजार यो नाफा गरेको थियो । यस वर्ष विद्युत् विक्रीबाट रू. १७ करोड १ लाख ६० हजार आम्दानी गरेको छ । कम्पनीले रैराङ खोलाबाट रू. ६६ लाख ३९ हजार र इवाखोलाबाट रू. १६ करोड ३५ लाख २१ हजार आम्दानी गरेको हो । गत वर्षभन्दा यस वर्ष कम्पनीले ६३ दशमलव ९४ प्रतिशत बढी विद्युत् विक्रीबाट आम्दानी गरेको हो । हाल कम्पनीको चुक्तापूँजी रू. ५६ करोड रहेको छ । जगेडा कोष रकम गत वर्षभन्दा ४८ प्रतिशत बढी रू. ५ करोड ४८ लाख ८३ हजार कायम भएको छ । कम्पनीको कर्जा रकम भने गत वर्षभन्दा करिब एक प्रतिशत बढी रू. १ अर्ब ३१ करोड ३८ लाख २९ हजार रहेको छ । प्रतिशेयर आम्दानी रू. १३ दशमलव शून्य ३ रहेको कम्पनीको प्रतिशेयर नेटवर्थ रू. २०० रहेको छ ।

Aarthik Abhiyan चैत्र २०७७