विराटनगर (अस) । नेपाल उद्योग परिसंघ प्रदेश १ ले मुलुकको आर्थिक सुधारका प्रयास नभए आन्दोलन गर्ने चेतावनी दिएको छ । अर्थतन्त्र नाजुक हुँदै गएको अवस्थामा उत्पादनमूलक उद्योगलाई विभिन्न क्षेत्रबाट हतोत्साहित गर्ने काम भइरहेको परिसंघले बताएको छ । यसबारे राज्यका सरोकारवाला निकायको ध्यानाकार्षण गर्ने र सुनुवाइ नभए आन्दोलनसहितको कडा कदम उठाउने निर्णय परिसंघले गरेको हो ।
बैंक ब्याजदरलाई एकल अंकमा नझारेसम्म विरोधसहितको कार्यक्रम गर्ने परिसंघले बताएको छ । निकट भविष्यमै आर्थिक क्षेत्रको सम्बन्धमा भन्सार विभाग, आन्तरिक राजस्व विभाग र राजस्व अनुसन्धान विभागसँग अन्तरक्रिया गर्ने निर्णय गरिएको अध्यक्ष भीम घिमिरेले जानकारी दिए । परिसंघले आगामी वर्ष विराटनगरमा अन्तरराष्ट्रियस्तरको औद्योगिक तथा कृषि प्रदर्शनी आयोजना गर्ने निर्णय पनि गरेको छ
1661678481.JPG)
