काठमाडौं (अस) । नेपाल बङ्गलादेश बैंकका ग्राहकले नेपालीरिका होटेलमा छूट पाउने भएका छन् । डिजिटल बैंकिङमार्फत भुक्तानी गर्ने ग्राहकलाई छूट दिने सम्बन्धमा दुई संस्थाबीच सम्झौता भएको हो । नेपाल बङ्गलादेश बैंकको डेबिट तथा क्रेडिट कार्ड, मोबाइल बैंकिङ, इन्टरनेट बैंकिङ, क्यूआर भुुक्तानी प्रणाली लगायतबाट भुक्तानी गर्दा १० प्रतिशतसम्म छूट पाइने बैंकले जानकारी दिएको छ । सम्झौता अनुसार फुड एण्ड बेभरेज सेवामा १० प्रतिशत र रूम सेवामा १५ प्रतिशतको नगद छूट प्रदान गरिने बैंकको भनाइ छ ।
साथै, होटलले विषेश छूट प्रदान गरी ९९ हजार ९९९ रुपैयाँमा वार्षिक सदस्यता दिने पनि बताएको छ । वार्षिक सदस्यता अन्तर्गत वर्षभरि ५ वटा डिलक्स रूम, निःशुल्क स्विमिङ पुल, निःशुल्क सौना, स्टिमबाथ र जिमसेवा तथा होटलका सम्पूर्ण रेस्टुुरेन्टहरूमा १० प्रतिशतको छूट प्राप्त गर्न सकिने बताइएको छ ।
