कोरोना विषाणु (कोभिड–१९) को प्रत्यक्ष असर जति तीक्ष्ण तथा भयावह छ, दूरगामी रूपमा यसले पार्ने दुष्प्रभाव असामान्य रहने आकलन गरिँदैछ । दिनहुँ ज्याला गरेर पेट पाल्नेका लागि मात्र होइन, ससाना व्यापारी, उद्यमी, व्यवसायीलगायत हरेक क्षेत्रमा अन्योल र छटपटी बढ्दो छ । विप्रेषण घट्ने, स्वदेश फर्कनेको लर्को बढ्ने र तिनलाई तथा यहीँ भएका बेरोजगारलाई समेत कसरी आयमूलक काममा लगाउने ? ज्वलन्त प्रश्न बनेको छ ।
