मङ्सिर ४ मा सम्पन्न प्रतिनिधिसभा तथा प्रदेशसभा निर्वाचनको प्रत्यक्षतर्फको मतगणना अन्तिम चरणमा पुगेको छ । हालसम्म प्रतिनिधिसभाका १६५ मध्ये १५५ स्थानको नतिजा सार्वजनिक भईसकेको छ ।१५५ स्थानको मतपरिणाम आउँदा नेपाली कांग्रेसले सर्वाधिक ५२ सिट जितेको छ । त्यस्तै दोस्रो स्थानमा रहेको एमालेले ४१ सिट जितेको छ भने तेस्रो स्थानमा रहेको माओवादीले १७ सिट जितेको छ । त्यस्तै एकिकृत समाजवादीले १० सिट जितेको छ । राष्ट्रिय स्वतन्त्र पार्टीले ७ सिट जितेको छ भने राप्रपाले पनि ७ सिट नै जितेको छ । जसपाले ६ सिट जित्दा लोसपाले ४ सिट जितेको छ । त्यस्तै नागरिक उन्मुक्ति पार्टीले ३ सिट जितेको छ ।त्यस्तै राष्ट्रिय जनमोर्चाले १, जनमत पार्टीले १, तथा नेपाल मजदुर किसान पार्टीले १ सिट जितेका छन् । त्यस्तै स्वतन्त्र उम्मेदवारहरुले ५ स्थानमा जित हाँसिल गरेका छन् ।अब मतगणना जारी रहेको ७ स्थान मध्ये नेपाली कांग्रेसले ४ , एमालेले २, र राष्ट्रिय स्वतन्त्र पार्टीले १ स्थानमा अग्रता बनाएको छ। स्याङजा २ , दोलखा, र बाजुरामा भने विवादका कारण मतपरिणाम आउँन सकेको छैन । यी स्थानमा मतगणना सुरु भएको छैन । त्यहाँ पुन: मतदान गर्ने वा आएको मत गणना गर्ने भन्नेबारे निर्वाचन आयोगले निर्णय गर्ने छ ।
