नेपालगञ्ज- बाँकेमा हतियारसहित दुई शिकारी पक्राउ परेका छन्। बाँके राष्ट्रिय निकुञ्जमा सुरक्षार्थ तैनाथ नेपाली सेना र निकुञ्ज कार्यालयका कर्मचारीसहितको संयुक्त गस्ती टोलीले मंगलबार कोहलपुर नगरपालिका वडा-१३ स्थित भरैया इलाकाबाट दुई शिकारी पक्राउ गरेकाे हाे। अवैध शिकार गरिरहेका अवस्थामा उनीहरू पक्राउ परेका हुन्। उनीहरूलाई दुई भरुवा बन्दुकसहित कारबाहीका लागि बाँके राष्ट्रिय निकुञ्ज कार्यालयलाई बुझाइएको छ।
