कोरोना कहरका बाबजुत गएको साल विश्वभर अर्बपतिहरूका लागि भने सुखद् नै रह्यो।भारतमा पनि गएको वर्ष अर्बपतिहरूको सम्पत्तिले छलाङ मारेको छ। भारतमा मात्र गएको वर्ष अर्बपतिको संख्या १ सय ३७ बाट बढेर १ सय ७७ पुगेको छ। अर्थात् गएको वर्ष भारतभर ४० जना नयाँ अर्बपति थपिएका छन्।यस वर्ष विश्वभरका ६८ देशका २ हजार ४ सय २ कम्पनीका ३ हजार २ सय २८ जना अर्बपति रहेका हुरन ग्लोबल रिच लिस्टमा समावेश भएका छन्। पछिल्लो वर्ष यो लिस्टमा २ हजार ८ सय १४ अर्बपति समावेश थिए। अर्थात् विश्वभर ४ सय १४ नयाँ अर्बपति थपिएका छन्
