एजेन्सी। ब्राजिलले भेट्रान रक्षक ड्यानी आल्भेस र थियागो सिल्भालाई विश्वकप छनोटका लागि राष्ट्रिय टिममा फिर्ता बेलाएको छ। इक्वेडर र पाराग्वेविरुद्ध खेल्नका लागि ब्राजिलका मुख्य प्रशिक्षक टिटेले ३८ वर्षे आल्भेस र ३६ वर्षे सिल्भालाई टिम राखेका हुन्। बार्सिलोनाका पूर्व रक्षक आल्भेस अहिले साओ पाउलोबाट खेल्दैछन्। सिल्भा चेल्सीबाट च्याम्पियन्स लिगको फाइनल खेल्दैछन्। ब्राजिल दक्षिण अमेरिकी छनोटमा सतप्रतिशत नतिजासहित शीर्ष स्थानमा छ।
