ज्योति लाइफ इन्स्योरेन्सले आर्थिक वर्ष ७७/७८ को लेखा परिक्षण प्रतिवेदन पारित गरेको छ । कम्पनीको साउन २० गते बसेको संचालक समितिको बैठकले आर्थिक वर्ष ७७/७८ को लेखा परिक्षण प्रतिवेदन पारित गरि स्वीकृतिको लागि बीमा समितिमा पठाउने निर्णय गरेको हो ।कम्पनीले लाभांश प्रस्ताव नगर्ने निर्णय गरेको हो । हाल ज्योति लाइफ इन्स्योरेन्स र सूर्या लाइफ इन्स्योरेन्स मर्जर प्रक्रियामा रहेका छन् । ज्योति लाइफले मर्जर प्रस्ताव पारित गर्न साउन २४ गते पोखराको लेकसाइड स्थित वाटर फ्रन्ट रिसोर्टमा विशेष साधारणसभा आह्वान गरेको हो ।
