पुस १४, काठमाडौं । नबिल म्युचुअल फण्ड अन्तर्गत सञ्चालित नबिल ब्यालेन्स फण्ड ३ ले मंसिर मसान्तसम्मको खुद सम्पत्ति मूल्य सम्बन्धी विवरण सार्वजनिक गरेको छ ।
उक्त वित्तीय विवरण अनुसार फण्डले सूचीकृत शेयरमा रू. ५९ करोड ५ लाख ६२ हजार लगानी गरेको छ । यो लगानी कात्तिक मसान्तको तुलनामा ३७ प्रतिशत वृद्धि भएको हो । फण्डले कात्तिक मसान्तसम्ममा रू. ४२ करोड ८७ लाख ७७ हजार सूचीकृत शेयरमा लगानी गरेको थियो ।
मंसिर मसान्तसम्ममा फण्डले लगानी गरेका कम्पनीहरुको शेयरमूल्यमा वृद्धि भएसँगै समग्र सूचीकृत शेयरमा लगानी बढेको हो । त्यसैगरी कात्तिक मसान्तसम्ममा रू. ८७ लाख ७५ हजार नाफा कमाएका उक्त फण्डले मंसिर मसान्तसम्ममा रू. ९ करोड ६५ लाख ८८ हजार नोक्सान व्यहोरेको छ ।
मंसिर मसान्तसम्ममा फण्डको आम्दानी रू. ८ करोड ४८ लाख ८४ हजार ऋणात्मक रहेकाले र खर्चमा वृद्धि भएकाले नोक्सानीमा गएको हो । कात्तिक मसान्तसम्ममा फण्डको रू. १ करोड ७ हजार खर्च भएकोमा मंसिर मसान्तसम्ममा वृद्धि भएर रू. १ करोड १७ लाख ३ हजार पुगेको हो ।
त्यसैगरी फण्डको एनएभी कात्तिक मसान्त सम्ममा रू. १० दशमलव शून्य ४ रहेकोमा मंसिर मसान्तसम्ममा रू. ९ दशमलव २३ मा झरेको छ ।
