असोज ३१, नयाँदिल्ली( भारत) । अन्तरराष्ट्रिय मुद्रा कोष(आईएमएफ) ले चालू वित्त वर्ष २०२१/२२ मा भारतको आर्थिक विकास दर ९ दशमलव ५ प्रतिशत रहने प्रक्षेपण गरेको छ ।
उसले भारतले श्रम सुधार तथा निजीकरणको प्रक्रिया जारी राखेकाले आर्थिक विकास दरमा सुधार आएको बताएको छ । साथै आईएमएफले आगामी वित्त वर्षमा भने भारतीय अर्थ व्यवस्था ८ दशमलव ५ प्रशितले वृद्धि हुने प्रक्षेपण पनि गरेको छ ।
आईएमएफका अनुसार चालू वित्त वर्षमा भारतको मुद्रास्फीति ५ दशमलव ६ प्रतिशत रहने छ । तर कोरोना महामारीको कारण भारतको अर्थ व्यवस्था अनिश्चितता घेरमा रहेको छ । उसले कोरोना महामारीका कारण लगानी क्षेत्रमा नकारात्म प्रभाव जारी रहने भएकाले आर्थिक पुनरुद्धारमा भने ढिलाई हुने बताएको छ । एजेन्सी
