मुलुककै मुख्य भन्सार नाका वीरगन्जस्थित एकीकृत सुरक्षा जाँचचौकी (आईसीपी) बाट मालबाहक सवारीसाधन भित्रिने क्रम घटेको छ । चाडपर्वको मुखमा भारत तथा तेस्रो मुलुकबाट अन्य अवस्थाको भन्दा बढी सवारीसाधन भित्रिनुपर्नेमा यसपटक गत वर्षको यसै अवधिभन्दा तीन गुणाले आयात घटेको आईसीपी सन्चालक इन्टर मोडल यातायात विकास समितिका अपरेसन इन्चार्ज जितेन्द्र रसाइलीले बताए । ‘अहिले सामान्य अवस्थाको भन्दा झन्डै आधाले आयात कम भएको छ,’ उनले भने ।
