हँगेरीले यूरो कप फुटबल २०२० मा फ्रान्सलाई बराबरीमा रोकेको छ । शनिबार राति बूडापेष्टमा सम्पन्न समूह एफ को खेलमा हँगेरीले शक्तिशाली फ्रान्सलाई १–१ को बराबरीमा रोक्दा अङ्क बाँड्न बाध्य बनाएको हो । ६६ हजार दर्शकको उपस्थितिमा भएको खेल अत्यन्तै रोमाञ्च एवम् तनाबपूर्ण बनेको थियो ।
हाफटाइमपछिको अतिरिक्त समयमा हँगेरीका लागि अट्टिला फिओलाले गोल गर्दै सुरुवाती अग्रता दिलाउनुभयो । उहाँले रोल्याण्ड सलैलाई छिचोल्दै फ्रान्सेली पोष्टमा गोल गर्दै हँगेरीलाई १–० को अग्रता दिलाउनुभयो । यूरो कप फुटबल २०२० का दाबेदार फ्रान्सले उक्त गोल हुनुअघि अधिकांश समय हँगेरीलाई दबाबमा राखेको थियो ।
