दुई वर्षमा सक्नु पर्ने व्यापारिक मार्ग साढे चार वर्षसम्म अधुरै

८ वर्षमा पनि बनेन ७५० मिटर सडक

बुटवल–बेलहिया व्यापारिक मार्ग अन्तर्गत भैरहवा भन्सार देखि दक्षिण तर्फ बाइपास सम्मको ७५० मिटर लम्बाइको ६ लेन सडकको निर्माण कार्य सुरु भएको ८ वर्ष भइसकेको छ, तर सडक अझै अलपत्र अवस्थामा छ।

नागरिक दैनिक बैशाख २०८१

बुटवल-बेलहिया सडकको ठेक्का तोडिँदै, तीन वर्षमा सक्नुपर्ने सडक १० वर्षसम्म पनि अलपत्र नै

बीजमांडू आषाढ २०७९

बुटवलमा साढे ३ किलोमिटर सडक ६ वर्षमा पनि बनेन

२२ असार, बुटवल । बुटवलको राजमार्ग चौराहादेखि चिडिया खोलासम्मको ६ लेन सडक विस्तार ठेकेदारको चरम लापरवाहीका कारण दुई पटक थपिएको म्याद भित्र पनि पूरा नहुने भएको छ । बुटवल–बेलहिया व्यापारिक मार्ग विस्तार आयोजना अन्तर्गत साढे ३ किलोमिटर सडक ३० महिनामा पूरा गर्ने गरी २०७३ चैत १२ मा सम्झौता भएको थियो । कञ्चनजंघा/बिरुवा जेभीले ठेक्का पाएको […]

अनलाइनखबर जेष्ठ २०७९

वीरगञ्ज–पथलैया व्यापारिक मार्ग : विस्तार नगर्न सांसदकै दबाब

वीरगञ्ज । वीरगञ्ज–पथलैया व्यापारिक मार्गअन्तर्गतको केही ठाउँमा विस्तारको काम अघि नबढाउन सांसदहरूले नै दबाब दिन थालेका छन् । आफ्नो राजनीतिक स्वार्थका लागि उनीहरूले सडक विस्तारको काम अघि नबढाउन आयोजनालाई दबाब दिएका हुन् । उक्त व्यापारिक मार्गको सुक्खा बन्दरगाह–एकीकृत जाँच चौकी (आईसीपी) क्षेत्र, परवानीपुर बजार र जितपुरमा सडक विस्तारको कामले गति लिन सकेको छैन । बाटोमा पर्ने संरचना र स्थानीयको अवरोधले काम अघि बढ्न नसकेको आयोजनाले बताएको छ । आयोजनाले हालै त्यस क्षेत्रको सडक क्षेत्राधिकारमा पर्ने सबै संरचना भत्काइदिएको छ । परवानीपुरका स्थानीयले सडक विस्तारको काम तत्काललाई रोक्न स्थानीय राजनीतिकर्मी गुहारेको र सांसदहरूले सोही अनुसार आयोजनालाई दबाब दिएका हुन् । प्रतिनिधिसभा सदस्य प्रदीप यादव र मधेश प्रदेशसभा सदस्य एवम् पूर्वमन्त्री जितेन्द्र सोनलमार्फत यस्तो दबाब आएको आयोजनासम्बद्ध स्रोतले बताएको छ । उनीहरूले परवानीपुर बजार क्षेत्रको सडक तत्काल नबनाउन आयोजनालाई भनेका हुन् । ‘भर्खरै घर भत्काइएकाले स्थानीय पीडित भएको भन्दै केही समयपछि मात्रै सडक निर्माण गर्न माननीयहरूको आग्रह आएको छ,’ कार्यालयका एक अधिकारीले भने । स्थानीय अवरोध, दबाब, ठेकेदारको ढिलासुस्ती लगायत कारण सडक विस्तारको काम पछिल्लोपटक थपिएको समयभित्र पनि नसकिने भएको छ । कोरोना महामारीलाई कारण देखाएर सरकारले सबै आयोजनाको समय ६ महीना थपेपछि यो मार्ग विस्तार र स्तरोन्नतिको जिम्मा लिएका निर्माण व्यवसायीले चैतसम्म समय पाएका थिए । एक महीनाअघि बारा र पर्साका प्रमुख जिल्ला अधिकारीहरूले डाकेको सर्वपक्षीय बैठकमा चैतभित्र काम सक्ने प्रतिबद्धता व्यक्त गरेका निर्माण व्यवसायी अहिले फेरि ठेक्काको समय थपिनुपर्ने माग गर्न थालेका छन् । व्यवसायीहरू पुन: समय थप्नुपर्ने माग गर्दै कार्यालय धाउन थालेको वीरगञ्ज–पथलैया व्यापारिक मार्गका आयोजना प्रमुख मनीषकुमार साहले बताए । ‘४ जना निर्माण व्यवसायी फेरि म्याद थपिदिनुपर्‍यो भनेर आउनुभएको छ । तर, म्याद थपिँदैन । पेनाल्टी तिराएर भए पनि काम लगाउँछौं,’ प्रमुख साहले भने । निर्माण व्यवसायीले तोकिएको समयमा काम पूरा नगरे ठेक्का रकमको शून्य दशमलव शून्य ५ प्रतिशत प्रतिदिनका दरले जरीवाना तिर्नुपर्छ । व्यापारिक मार्ग विस्तार आयोजनाले पनि चैतभित्रै विस्तारको काम सक्ने बताएको थियो । प्रगति ८२ प्रतिशत बेग्लाबेग्लै ७ खण्डमा बाँडेर २०७३ साल असारमा लगाइएको ठेक्का २ वर्षमा सक्नुपर्ने थियो । ६ वर्ष बितिसक्न लाग्दा आयोजनाको भौतिक प्रगति ८२ प्रतिशत छ । यसबीचमा आयोजनाले पुल र कल्भर्टको ठेक्का थपेको थियो । कुल १३ ओटा ठेक्काको गत फागुनसम्मको प्रगति जोड्दा करीब ८४ प्रतिशत पुग्छ । व्यापारिक मार्ग विस्तारमा भइरहेको ढिलाइले मुख्य नाकाबाट हुने पारवहन, उद्योग, व्यापार र समग्र आवागमन समस्याग्रस्त बनेको छ । यो मार्गमा वीरगञ्ज नाकाबाट दैनिक भित्रिने १ हजार ढुवानीका साधन र त्यत्ति नै संख्यामा सार्वजनिक तथा निजी सवारीसाधनको आवागमन हुन्छ । व्यापारिक मार्गको केही खण्ड कालोपत्र भएको छ । ठाउँठाउँमा मुख्य लेन निर्माण गरिएको छ । सर्भिस लेन, ग्रिन बेल्ट र रङरोगनको काम भएको छैन । यस्तो बन्दै छ सडक यसअघिको २ लेनको त्रिभुवन राजपथ र आईसीपीदेखि परवानीपुरसम्मको ४ लेन सडकलाई ५० मीटर (६ लेन) मा स्तरोन्नति भइरहेको छ । व्यापारिक मार्गको बीचबाट ११/११ मीटर दायाँबाँया सडक निर्माणको काम भइरहेको छ । साढे ३ मीटरको दुईतर्फी ग्रीन बेल्ट र साढे ५ मीटरमा दुवैतर्फ सर्भिस लेन बनाइने साहले बताए । सर्भिस लेनसँगै दुवै किनारमा साढे ३ मीटरमा नाली र फुटपाथ बन्नेछ । परवानीपुरदेखि गण्डकसम्मको सडकलाई भने ४ लेनमा विस्तार गर्न लागिएको छ । गण्डकदेखि मितेरी पुलसम्मको ८ किलोमीटर सडक चौडाइसम्बन्धी विवाद ३ वर्षदेखि सर्वोच्च अदालतमा विचाराधीन रहेकाले काम अघि बढ्न नसकेको आयोजनाले बताएको छ ।

Aarthik Abhiyan फाल्गुन २०७८

समय दोब्बर बित्यो, सकिएन व्यापारिक मार्ग विस्तार

वीरगञ्ज । दुई वर्षमा सक्ने लक्ष्य राखेर विस्तार थालिएको वीरगञ्ज–पथलैया व्यापारिक मार्ग साढे ५ वर्ष बित्न लाग्दा पनि पूरा भएको छैन । देशकै मुख्य नाका र औद्योगिक कोरिडोरलाई जोड्ने व्यापारिक मार्गको स्तरोन्नतिमा भइरहेको ढिलाइले उद्योग व्यापारदेखि समग्र आवागमन समस्याग्रस्त बनेको छ । वीरगञ्ज–पथलैयाको मितेरी पुलदेखि पथलैया र सुक्खा बन्दरगाह आईसीपी भएर हुने ढुवानी र आवतजावत सकसपूर्ण बनेको छ । शुरूमा ६ खण्डमा बाँडेर ठेक्का लगाएको व्यापारिक मार्ग विस्तार आयोजनाले पुल निर्माणलगायतका काम थपेर ठेक्कालाई १३ खण्डमा पुर्‍याइसकेको छ । कुनै पनि खण्ड निर्माण सम्पन्न भने भएको छैन । अहिलेसम्म १३ निर्माण कम्पनीमध्ये कुनैले पनि निर्माण सम्पन्नको प्रमाण नलिएको आयोजना कार्यालयले बताएको छ । ६ लेनको व्यापारिक मार्गको केही खण्ड कालोपत्र भएको पनि छ । निर्माण पूरा नहुँदै यो सडक भत्किन थालिसकेको छ । सडकमा गुड्ने ढुवानीका साधनले भारवहन मापदण्ड पालना नगर्दा सडक भत्किएको निर्माण व्यवसायी र आयोजनाको भनाइ छ । व्यापारिक मार्ग स्तरोन्नति भएपछि औद्योगिक कच्चा पदार्थ र तयारी मालबस्तुको ढुवानी सहज हुने अपेक्षा राखिएकोमा दोब्बर समय बितिसक्दा पनि पूरा नहुँदा समस्या भएको वीरगञ्ज उद्योग वाणिज्य संघ उद्योग समितिका संयोजक हरि गौतम बताउँछन् । ठाउँठाउँमा मुख्य लेन निर्माण गरिए पनि सर्भिस लेन, ग्रिन बेल्ट, रङरोगनको काम भएको छैन । सरकारले कोरोना महामारीलाई कारण देखाएर सम्पूर्ण योजनाको म्याद ६ महीना थपेको छ । यस आधारमा यो मार्ग विस्तारको जिम्मा लिएका ठेकेदारहरुले आगामी फागुन चैतसम्म समय पाएका छन् । थपिएको समयसीमाभित्र सडक विस्तारको काम पूरा हुने विश्वास आयोजनाका प्रमुख मनीषकुमार साहको छ । सडक निर्माणमा भइरहेको ढिलाइका कारण ढुवानी र आवागमन सकसपूर्ण भएको भन्दै बारा र पर्सा जिल्लाका प्रशासन प्रमुखले सरोकारका पक्षलाई बोलाएर छलफल राखेका थिए । मंगलवार वीरगञ्जमा भएको छmलफलका क्रमममा बारा र पर्साका प्रमुख जिल्ला अधिकारीहरूले आउँदो फागुनसम्म काम सक्न निर्माण आयोजना र निर्माण व्यावसायीलाई निर्देशन दिएका छन् । पछिल्लो पटक थपिएको समयभित्र काम नसक्ने निर्माण व्यवसायीलाई कारबाही गर्ने पर्साका प्रमुख जिल्ला अधिकारी उमेश ढकालले बताए । यो मार्गको स्तरोन्नतिको काम २०७३ असारमा थालिएको थियो । शुरूमै ठेक्का लिएका व्यवसायीले पनि अहिलेसम्म काम पूरा गरेका छैनन् । पेश भएको बीलको भुक्तानी समयमा नपाउनु, मुआब्जाको विवाद, निर्माण सामग्री आपूर्तिमा अवरोध, राइटअफ वेका समस्यालगायतले ढिलाइ भएको तर्क निर्माण व्यवसायीले गरे । यसअघि २ लेनको त्रिभुवन राजपथ र आईसीपीदेखि परवानीपुरसम्मको सडक ५० मिटर फराकिलो बनाइने योजना छ । व्यापारिक मार्गको बीचबाट ११/११ मिटर दाँयाबाँया ६ लेनको मुख्य सडक निर्माणको काम भइरहेको छ । दुवैतर्फ साढे ३ मिटरको ग्रीन बेल्ट र साढे ५ मिटरमा दुईतर्फी सर्भिस लेन बनाइने आयोजनाको भनाइ छ । सर्भिस लेनपछाडि दुवै किनारमा साढे ३ मिटरमा नाली र फुटपाथ निर्माण भइरहेको छ । परवानीपुरदेखि गण्डकसम्मको सडकलाई भने ४ लेन बनाउने गरी काम भइरहेको आयोजनाले बताएको छ । व्यापारिक मार्गलाई जतिसक्दो चाँडो पूरा गरिनुपर्ने वीरगञ्ज उद्योग वाणिज्य संघका उपाध्यक्षसमेत रहेका गौतम बताउँछन् । व्यापारिक मार्ग निर्माणमा ढिलाइले यो क्षेत्रको सम्भाव्यता उपयोगमा कठिनाइ भइरहेको गौतमको भनाइ छ ।

Aarthik Abhiyan कार्तिक २०७८

वीरगंज–पथलैया ६ लेनको सडक पाँच वर्षमा पनि पूरा भएन, बर्खा लागेसँगै राजमार्गमै पोखरी

बीजमांडू जेष्ठ २०७८

वीरगंज-पथलैया सडकको काम यस वर्ष पनि नहुने भयो पूरा, आगामी चैत मसान्तसम्म लम्बिने छनक

बीजमांडू जेष्ठ २०७७

पप्पु र शर्मा युनाइटेडलाई कारबाही : बैंक ग्यारेन्टी खाेसियाे

सिमरा : सम्झौता भएको ५ वर्षमा पनि सन्तोषजनक काम नगरेको भन्दै पथलैया–वीरगन्ज व्यापारिक मार्ग कार्यालयले पप्पु कन्स्ट्रक्सन र शर्मा युनाइटेडको बैंक ग्यारेन्टी रकम जफत गरेको छ। व्यापारिक मार्ग बाटो विस्तारका लागि सडक विभाग र निमार्ण कम्पनीहरुबीच २०७३ असार मसान्तमा २ वर्षभित्र सम्पन्न गर्नेगरी सम्झौता भएको थियो। तर सम्...

थाहा खबर जेष्ठ २०७७

त्रिदेशीय व्यापारिक मार्ग विस्तार, ६ वर्षमा ८ किमि मात्रै कालोपत्रे - Naya Patrika

नयाँ पत्रिका बैशाख २०७५

जोगबनी-किमाथांका त्रिदेशीय व्यापारिक मार्ग : ६ वर्षमा ८ किमी मात्रै कालोपत्रे - Naya Patrika

नयाँ पत्रिका बैशाख २०७५

दुई वर्षमा सक्नु पर्ने व्यापारिक मार्ग साढे चार वर्षसम्म अधुरै

सम्बन्धित सामग्री