काठमाडौं।वाणिज्य,आपूर्ति तथा उपभोक्ता संरक्षण विभाग तथा अन्तर्गतका ५ वटा कार्यालयहरु (विराटनगर,वीरगन्ज,भैरहवा,नेपालगन्ज र धनगढी)ले एक वर्षको अवधिमा १ हजार ३४७ व्यापारिक फर्मलाई कारबाही गरेका छन्। विभागका अनुसार गत आर्थिक वर्ष २०७७/७८ मा गरिएका ४ हजार ७७९ व्यापारिक फर्ममध्ये मापदण्ड अनुसार नचलेका फर्महरुलाई कारबाही गरिएको हो।विभाग र अन्तर्गतका कार्यालहरुले ती फर्मलाई ३ करोड ३३ लाख ७० हजार रुपैयाँ जरिवाना गरेको छ।
