काठमाडौं (अस) । चौधरी ग्रुपअन्तर्गत सीजी डिजिटल ई–कमर्सले बिग सीजी डे २२.२.२२ योजना ल्याएको छ । बिग सीजी डे योजना प्रत्येक वर्ष विशेष योजनाका रूपमा सीजी डे ई–कमर्सले मनाउने कम्पनीले बताएको छ । योजनामा चौधरी ग्रुपअन्तर्गत रहेका विभिन्न उत्पादन र सेवा आकर्षक छुटमा फागुन १० देखि फागुन १६ गतेसम्म उपलब्ध हुनेछ ।
योजनामा निःशुल्क जडान, फ्री डेलिभरी, बम्पर लक्की ड्र, बैंक कार्ड छुट र सरल किस्ताबन्दी, अतिरिक्त छुट कुपनका साथै पहिलो २२ ग्राहकलाई २,२०० बराबरको फ्री गिफ्टजस्ता सुविधा र छुट उपलब्ध रहेका छन् । बिग सीजी डे २२.२.२२ मा सीजी ग्रुपअन्तर्गत सीजी इलेक्ट्रोनिक्स, सीजी फुड्स, सीजी नेट, सीजी हिल्स्, सीजी एजुकेसन, सीजी हस्पिटालिटी, सीजी सिमेन्ट, सीजी पे र युनाइटेड इन्स्योरेन्स का विभिन्न उत्पादन तथा सेवा–सुविधामा विभिन्न अफर राखिएको छ ।