काठमाडौं। प्रतिनिधिसभाका नवनिर्वाचित सांसदहरूलाई राप्रपाका समानुपातिक सांसद पशुपति शमशेर जबराले शपथ ग्रहण गराउने भएका छन्। नागरिकताका आधारमा राप्रपाका जबरा राष्ट्रिय जनमोर्चाका चित्रबहादुर केसीभन्दा १ महिना २६ दिन जेठो निस्किएपछि शपथ गराउने ज्येष्ठ सांसदको टुंगो लागेको हो। संघीय संसद् सचिवालयले निर्वाचन आयोगबाट नागरिकताको प्रमाणपत्र झिकाएर हेर्दा केसीभन्दा जबरा ज्येष्ठ पाइएका हुन्।
