काठमाडौं । स्वावलम्बन लघुवित्त वित्तीय संस्था लिमिटेडले शेयर संरचना परिवर्तन गर्ने भएको छ । कम्पनीले हाल कायम शेयर संरचनामा संस्थापकको १० प्रतिशत शेयर घटाएर सर्वसाधारणको शेयर १० प्रतिशत बढाउने जनाएकाे छ ।
कम्पनीको हाल कायम शेयर संरचना अनुसार संस्थापकको शेयर ७० प्रतिशत र सर्वसाधारणको ३० प्रतिशत रहेको छ । नयाँ शेयर संरचना अनुसार कम्पनीमा संस्थापकको शेयर ६० प्रतिशत र सर्वसाधारणको ४० प्रतिशत कायम हुनेछ ।
