कोरोना भाइरस संक्रमणको ‘हटस्पट’ बनेको वीरगन्जमा कोरोना संक्रमितहरुको लागि होटल तथा पर्यटन व्यवसायी संघ वीरगन्जले सामुदायिक आइशोलेसन सञ्चालन गरेको छ । वीरगन्जमा कोरोना संक्रमण अनियन्त्रित भएसँगै जिल्ला प्रशासन कार्यालय पर्साको अनुरोधमा नारायणी आस्पतालको निगरानीमा रहने गरी रानीपोखरी होटलमा ५० शैयाको आइसोलेसन तयार गरी संक्रमितलाई राख्न सुरु गरिएको होटल तथा पर्यटन व्यवसायी संघ वीरगन्जका अध्यक्ष हरि पन्तले जानकारी दिए ।
