गत असार १ गते भेमाथाङ पहिरोका कारण मेलम्ची नदीमा आएको बाढीपीडितले छ महिनापछि अस्थायी टहरा पाएका छन् । बाढीले विस्थापित ३६६ विस्थापित घरमध्ये १३० घरपरिवारले अस्थायी टहरा पाएका छन् । टहरा पाउनु अघिसम्म ती परिवार सामुदायिक वनको टहरामा बस्दै आएका थिए । अझै बाढीपीडित परिवार मेलम्ची र हेलम्बुका सामुदायिक वनका टहराभित्र बास बसिरहेका छन् । हाल टहरा पाएपछि सुत्केरी, महिला, वृद्धवृद्धा, बिरामीलाई जाडोका मौसममा अलि सहजता मिलेको छ ।
