न्युजिल्याण्ड क्रिकेट टोलिका कप्तान केन विलियम्सन इंग्ल्याण्ड बिरुद्धको दोस्रो टेष्ट खेलबाट बाहिरिनुभएको छ । दुई टेष्ट खेल अन्तगर्तको श्रृखंलाको पहिलो टेष्ट बराबरीमा सम्पन्न भएको थियो ।
कप्तान विलियम्सनले देब्रे कुहिनामा आएको चोटको समस्याले गर्दा दोस्रो तथा अन्तिम टेष्ट नखेल्ने हुनुभएको हो । ३० वर्षीय विलियम्सनले गत् मार्च महिनामा उक्त चोटकै कारणले बङ्गलादेश बिरुद्धको एकदिबसीय श्रृखंलामा समेत अनुपस्थित हुनुपरेको थियो । विलियम्सनको अनुपस्थितिमा ओपनर ब्याट्सम्यान टम लाथमले न्युजिल्याण्ड क्रिकेट टोलिको नेतृत्व गर्नुहुनेछ ।
