नेपाल र अमेरिकाबीच व्यापार तथा लगानी संरचना सम्झौता (टिफा) भएको नौ वर्ष पूरा हुनै लागेको छ । दुई मुलुकबीचको व्यापारलाई नयाँ दिशा प्रदान गर्ने अपेक्षा गरिएको यस सम्झौताबाट हालसम्म देखिने गरी कुनै उपलब्धि भएको छैन । अमेरिकासँगको व्यापारमा नेपाल तुलनात्मक रूपमा सन्तुलनमा नै देखिए पनि यसको परिमाणात्मक वृद्धि त्यति उत्साहजनक छैन भने नेपालमा अमेरिकी लगानी पनि अपेक्षाकृत छैन ।
