कांग्रेस नेतृ तथा प्रधानमन्त्री शेरबहादुर देउवाकी पत्नी आरजु राणाले बुधबार नयाँदिल्लीमा भाजपा विदेश विभाग प्रमुख विजय चौथाइवालेसँग भेटवार्ता गरेकी छन् । देउवाले पाँचौं पटक सत्ताको नेतृत्व गरेको एक वर्षमा राणा र चौथाइवालेबीच भएको यो चौथो भेटवार्ता हो । उनीहरूबीच निरन्तर भेटवार्ताले निहित उद्देश्य व्यक्तिगत सम्बन्ध विस्तारमा केन्द्रित हो कि पार्टी–पार्टी सम्बन्ध सुदृढीकरणमा भन्ने चासो पनि पैदा गरेको छ ।
