बजाज पाँचको पन्च योजना

काठमाडौं (अस) । नेपालमा बजाज मोटरसाइकलको आधिकारिक बिक्रेता हंसराज हुलास चन्द एन्ड कम्पनी आउँदो नयाँ वर्ष २०७९ अवसरमा बजाज पाँचको पन्च नामक ग्राहक योजना ल्याएको छ । योजनाअन्तर्गत ग्राहकलाई पाँच पटक जित्ने मौका दिइनेछ । बजाजको विज्ञापनलाई आफ्नो फेसबुक पेजमा पोस्ट गरेबापत बाइक किन्ने बेला १ हजारको छुट पाउन योग्य भइनेछ । ग्राहकले बजाज सोरुममा गएर आफ्नो छनोटको बाइक रोजेपछि ५० हजारसम्म छुट पाउनेछन् । बाइक खरिद प्रक्रिया सुरु भएपछि फेसबुकमा पोस्ट गरेबापत, सोरुममा गएर बाइक रोजेबापत र खरिद गर्न बुकिङ गर्दा पाइने १ लाखसम्मको जम्माजम्मी रकम छुटको रूपमा प्राप्त गर्न सकिने कम्पनीले बताएको छ । यो अफरबारे अरूलाई रिफर गरियो र किन्नेले पनि रिफर गरेको बताए तीन पटक थप फ्री सर्भिसिङ प्राप्त गर्नेछन् । बम्पर पुरस्कारस्वरुप १० लाखसम्म जित्ने मौका मिल्ने कम्पनीले जनाएको छ । यसरी सोचेर, हेरेर, किनेर, भनेर अनि बम्पर जितेर पाँच पटकसम्म पुरस्कार जित्ने मौका दिइएकाले योजनाको नामकरण पनि बजाज पाँचको पन्च गरिएको कम्पनीको भनाइ छ ।