कोभ्याक्समार्फत मोडर्नाको ४० लाखमात्रा खोप प्राप्त हुँदै

सिमा तथा हवाई नाकामा अनिवार्य कोभिड-१९ को परीक्षण हट्यो

सिमा तथा हवाई नाकाबाट नेपाल प्रवेश गर्ने यात्रुहरुलाई सरकारले अनिवार्य कोरोना भाइरस (कोभिड-१९) को परीक्षण गर्नुपर्ने व्यवस्था हटाएको छ । स्वास्थ्य तथा जनसंख्या मन्त्रालयले आइतबार सूचना जारी गरेर यसअघिको अनिवार्य कोभिड-१९ को परीक्षणलाई हटाएको जानकारी गराएको हाे ।सरकारले कोभिड-१९ को जोखिम कम हुँदै गएपछि अनिवार्य परीक्षणको व्यवस्था हटाएको जनाएको हो । स्वास्थ्य मन्त्रालयका अनुसार अब कोभिड-१९ को पूर्ण मात्र खोप प्राप्त नगरेका वा ७२ घण्टा कोभिड-१९ को परीक्षण नेगेटिभ नभएकाले कोभिड-१९ परीक्षण गर्नुपर्ने

Ratopati फाल्गुन २०७८

विद्यार्थीका लागि खोप कहिले ?

विश्वभरि नै कोरोनाको त्रास कायमै छ भने यसका विभिन्न भेरियन्ट पनि देखा परेका छन् । डेल्टा भेरियन्टले त्रस्त बनाएको विश्वलाई फेरि ओमिक्रोन भेरियन्टले थप सन्त्रस्त बनाएको छ । पछिल्लोपटक देखिएको ओमिक्रोन नामकको भेरियन्टका कारण बेलायत, नेदरल्यान्ड्सजस्ता यूरोपेली मुलुकहरूमा आपतकाल मात्र होइन, बन्दाबन्दीको घोषणा नै भइसकेको छ । यसका कारण उनीहरूको महान् पर्व क्रिसमस पनि प्रभावित भएको छ । विश्व स्वास्थ्य संगठन (डब्ल्यूएचओ) को पछिल्लो जानकारीअनुसार नेपाल, भारतसहित विश्वका ९० भन्दा बढी मुलुकमा ओमिक्रोनको संक्रमण देखापरेको छ । ओमिक्रोन प्रत्येक डेढदेखि ३ दिनको अवधिमा दोब्बर विस्तार हुँदै जाने हुँदा यो तीव्ररूपमा फैलिएको देखिन्छ । कोभिड संक्रमणको यस्तो महामारीबाट बच्न हरसम्भव प्रयास गर्नु अहिलेको विश्वव्यापी चिन्ता हो । कोभिडबाट युवा, बालबालिका, वृद्ध सबै उमेरका मानिस प्रभावित भएका छन् । दिनप्रतिदिन नयाँ प्रकारका भेरियन्ट देखा परेका कारण सिङ्गो विश्व नै तनावग्रस्त बन्न पुगेको हो । यसले विश्वभरि नै लाखौंको ज्यान लिइसकेको छ । भविष्यमा कुन प्रकारको भेरियन्ट देखा पर्ने हो थप त्रास र चिन्ता बढेको छ । त्यसैले आजको आवश्यकता नै खोपजस्तो निरोधात्मक उपायमा पहुँच बढाएर कोभिडको जोखिमबाट मुक्त गराउनु नै हो । कोभिड भाइरसयुक्त जनसंख्याको जति धेरै प्रसार भयो त्यति नै नयाँ भेरियन्टहरू देखिने हुँदा त्यसबाट थप चुनौती आउने र उपलब्ध खोपले काम नगर्ने अवस्था सिर्जना हुने हुँदा कोभिडको खोपलाई व्यवस्थित गर्नुपर्ने देखिन्छ । पछिल्लो समयमा कोरोना भाइरस म्युटेशन भएर त्यसका विभिन्न प्रकारका भेरियन्टहरू देखिएका छन् । त्यसरी म्युटेट भएर आएका त्यस्ता भाइरस अघिल्ला भेरियन्टभन्दा बढी संक्रामक हुने अध्ययनले समेत देखाएको छ । त्यसको नियन्त्रणका लागि खोप जतिसक्दो चाँडो बढीभन्दा बढी जनसंख्यामा उपलब्ध गराउनुपर्छ । यो नै सरकारको प्रमुख दायित्व हो । सङ्घीय सरकारको योजनाअनुसार यही पुस मसान्तसम्म कुल जनसंख्याको दुईतिहाइ अर्थात् ६६ प्रतिशतलाई खोप लगाइसकिनेछ भने यसै वर्षको अन्त्यसम्म चैतभरिमा सबै नागरिकलाई खोप मात्रा पूरा गरेर ‘बुस्टर खोप’ समेत लगाउने कार्ययोजना सरकारको छ । यसैगरी सरकारले १२ देखि १८ वर्षमुनिका उमेरसमूहका लागि समेत खोप अभियान शुरू गरिसकेको छ । विद्यार्थीका लागि सम्बद्ध विद्यालयमा नै खोप दिइने तयारी भइरहेको छ । त्यसैले विद्यालयले जन्मदर्ताका आधारमा विद्यार्थीको लगत संकलन गरिरहेका छन् । यसैगरी देशमा विद्यालय तहदेखि विश्वविद्यालय तहका सबै विद्यार्थी र शिक्षकलाई खोप व्यवस्थापन गर्न नसक्दा यो शैक्षिक वर्ष पनि प्रभावित हुने देखिएको छ । त्यसैले सरकारले अविलम्ब शैक्षिक क्षेत्रलाई चलायमान बनाउन खोपको व्यवस्थापन गर्नुपर्ने देखिन्छ । जसका कारण विभिन्न तहगत परीक्षा गर्न सकिएको छैन भने आवश्यक जनशक्ति पनि पूर्ति गर्न सकिएको छैन । प्राथमिकताका क्षेत्रमा परेका जनसंख्यालाई खोप उपलब्ध गरी सबै नागरिकलाई खोप उपलब्ध गराउनु नै राज्यको दायित्व मानिन्छ । सरकारले हालसम्म खोप खरीद तथा अन्य व्यवस्थापन गर्न करीब ३३ अर्ब ५० करोड रुपैयाँ खर्च गरिसकेको छ भने नेपाल सरकारको कोभिड कोषमा करीब ३५ अर्ब रुपैयाँ मौज्दात रहेको देखिन्छ । पक्कै पनि यस रकमबाट आगामी दिनमा थप खोपको व्यवस्थापन गर्न सहज हुने देखिन्छ । सरकारले जनतालाई कोभिडविरुद्धको खोपमा कुनै कमी आउने दिने छैन । राज्यका सबै निकायले उपलब्ध खोपलाई जनतासमक्ष समयमै उपलब्ध गराउन पहल गर्नुपर्छ । सरकारी तथ्यांकअनुसार हालसम्म १८ वर्षभन्दा माथिका उमेरसमूहका ६० प्रतिशतलाई एक मात्रा र ४५ प्रतिशतलाई दुई मात्रा खोप लगाइसकिएको छ । त्यस्तै, ठूलोमात्रामा जनसंख्यालाई खोप पुर्‍याउन बाँकी नै छ । सरकार खोप पुर्‍याउन प्रयासरत छ । कोभिडका यस्ता नयाँ भेरियन्टबाट नागरिकलाई बचाउन खोपबाहेक अन्य कुनै विकल्प छैन । त्यसैले सर्बसाधारण सबैलाई खोप सुनिश्चित गरेमा मात्र सरकारको जिम्मेवारी पूरा भएको ठहरिन्छ । यसअघि कोरोना खोप लगाउन प्रवाह गरिने सूचना स्पष्ट नभएका कारण पनि खोपका लागि झन्झट भोग्नुपरेको सर्वसाधारणको गुनासो छ । खोप लगाउन कतिलाई निकै कठिन भएको पनि गुनासो सुन्न आएको छ । सरकारको प्राथमिकता क्षेत्रबाहेकका केही व्यक्तिले व्यक्तिगत पहुँचका नभएका कारण पनि कोरोनाको खोप प्राप्त गर्न नसकिएको गुनासो सुन्नमा आएको छ । राज्यले निःशुल्क रूपमा उपलब्ध गराएको कोरोना खोपमा पनि बढी चलखेल भएको गुनासो आएका कारण आगामी दिनमा त्यस्तो वातावरण दोहोरिन दिनु हुँदैन । खोपमा पनि आफ्नालाई प्राथमिकता दिएको र अन्यलाई विभेद गरिएको गुनासो उठ्नु राम्रो होइन । त्यस्तै, खोप केन्द्रमा खोप लगाउन घण्टौं बस्नुपर्ने तथा बाक्लो भीडका कारण झन् संक्रमण फैलने हुँदा खोप लगाउँदा सामाजिक दूरी कायम गर्नुपर्ने पनि देखिन्छ । कोरोनाका नयाँ भेरियन्टको संक्रमणबाट बच्न सामाजिक सुरक्षा अपनाएर स्वास्थ्य मापदण्ड पूरा गर्नुपर्छ । १२ देखि १६ वर्ष उमेरका विद्यार्थीलाई सम्बद्ध विद्यालयमा नै खोप उपलब्ध गराउने सरकारको निर्णयलाई स्वागत गर्नैपर्छ । प्रत्येक विद्यालयका विद्यार्थीको लगत हेरेर जन्मदर्ताका आधारमा खोप वितरण गर्ने हो भने त्यो बढीभन्दा बढी प्रभावकारी देखिन्छ । समग्रमा भन्नुपर्दा अबको एकमात्र आवश्यकता नै सबैलाई खोपको व्यवस्था गर्नु नै हो । १ वर्षअघि खोप विकास भई प्रयोगमा आएपछि मानव समाजले कोभिडविरुद्ध केही आत्मविश्वास बढेको हो । अपवादबाहेक खोप लगाएका व्यक्तिहरू तुलनात्मक रूपमा यो संक्रमणबाट बच्न सफल भएका छन् । साथै विश्वव्यापी रूपमा नै संक्रमितको मृत्युदरमा पनि क्रमशः कमी आइरहेको छ भने यसबाट मर्नेहरूको मृत्युदर पनि कम हुँदै गएको देखिन्छ । अर्याल ग्रामीण आदर्श बहुमुखी क्याम्पस, नेपालटारमा अध्यापन गर्छन् ।

Aarthik Abhiyan मंसिर २०७८

नेपालबाट उन्मूलन हुन लागेको दादुरा फेरि देखिन थाल्यो

नेपालबाट उन्मूलन हुन लागको दादुरा रोग फेरि देखिन थालेको छ । पछिल्ला वर्षमा नेपालमा देखिन छाडेको यो रोग गत हप्ता जाजरकोटमा दुई जनामा दादुरा सङ्क्रमण भएको पुष्टि भएको छ । कोभिड १९ को सङ्क्रमणको समयमा बालबालिका नियमित खोप प्राप्त गर्नबाट छुटेका कारण पनि यस्ता रोगहरु फेरी फर्कन सक्ने विज्ञहरुले बताउदै आएका छन् । दादुरा अति छिटो सर्ने सङ्क्रामक रोग हो,जुन मिजल्स भाईरसबाट लाग्दछ । यो रोग सामान्यतया पाँच वर्ष मुनिका बालबालिकामा धेरै लाग्दछ र छिट्टै महामारीको रुप लिन सक्ने विज्ञहरुको भनाइ छ । स्वास्थ्यविद् डा बाबुराम मरासिनीले दादुरा रोग निकै संक्रामक रहेकाले यसले चाँडैनै महामारीको रुप लिन सक्ने देखिएकाले यसलाई नियन्त्रण गर्नु आवश्यक रहेको बताउनुभयो । पछिल्ला बर्षहरुमा नियमित खोपको सुनिश्चितता कम रहेको देखिएका कारण पनि दादुर रोग फेरि देखिन थालेको उहाँको भनाई छ । “पछिल्ला बर्षहरुमा नियमित खोप कार्यक्रम प्रभावित भएको देखिएको छ । जसका कारण नेपालमा निर्मुल हुँदै गएको दादुरा रोग फेरि देखिन थालेको छ” उहाँले भन्नुभयो ।

गोरखापत्र श्रावण २०७८

कोभ्याक्समार्फत मोडर्नाको ४० लाखमात्रा खोप प्राप्त हुँदै

कोभ्याक्ससँगको लागत साझेदारीमार्फत विश्व बैंकको वित्तीय सहयोगमा मोर्डना खोपको ४० लाख मात्रा खरिद गर्न खोप साझेदार गाभीसँग सम्झौता भएको छ ।

सेतोपाटी आषाढ २०७८

नेपालले ४० लाख डोज मोर्डना खोप प्राप्त गर्ने, २०२२ को मार्चदेखि आपूर्ति सुरु हुँदै

Nepal Press आषाढ २०७८

असोजसम्म थप १ करोड खोप आउँछ : स्वास्थ्य राज्यमन्त्री श्रेष्ठ

काठमाडौं । स्वास्थ्य राज्यमन्त्री उमेश श्रेष्ठले असोज मसान्तसम्ममा थप १ करोड २ लाख खोप नेपाल आइपुग्ने बताएका छन् । हालसम्म १ करोड ८ लाख ६० हजार खोप प्राप्त भएको बताउँदै उनले १ महीनाभित्र त्यस बराबरको थप खोप आउने बताएका हुन् । बिहीवार प्रतिनिधिसभाको बैठकलाई सम्बोधन गर्दै उनले अहिलेसम्ममा ४५ लाख ७० हजार ५५३ लाई पहिलो मात्रा र २८ लाख ८ हजार ३६० लाई दोस्रो मात्रा समेत गरी ७४ लाख ५ हजार ९१३ लाई कोभिडविरुद्ध खोप लगाइएको बताए । अघिल्लो सरकारले ४२ लाखलाई मात्र खोप लगाएको तथ्यांक उल्लेख गर्दै उनले सरकारले प्रत्येक दिन डेढ लाखदेखि २ लाखलाई खोप लगाउन थालेको बताए । यस हिसाबले असोजसम्ममा कुल जनसंख्याको ३३ प्रतिशत जनसंख्यालाई खोप लगाइसक्ने उनको दाबी थियो । कुल ३ करोड ३६ लाख ७१ हजार डोज खोप खरीदका लागि प्रक्रिया अघि बढाएको जानकारी दिँदै उनले माघसम्ममा कुल ३ करोड २३ लाख खोप ल्याउने लक्ष्य लिएको बताए । लक्ष्यअनुसार उक्त संख्यामा खोप आपूर्ति भएमा नेपालमा उक्त अवधिसम्म कुल ५ करोड २२ लाख डोज आपूर्ति हुने जानकारी गराए । उनले कोभिड संक्रमणको अवस्था र त्यसको न्यूनीकरणका लागि अल्पकालीन र दीर्घकालीन योजना बनाएर चैतसम्म सबै नागरिकलाई खोप लगाइसक्ने सरकारको योजना रहेको बताएका थिए । सांसद्हरूले संक्रमण दर बढ्दै गएको र दशैंतिहार मुखैमा आएकोमा आवतजावत बढ्ने बताउँदै दशैंतिहार अघि नै धेरैभन्दा धेरैलाई खोप लगाउनुपर्ने बताएका थिए । बैठकमा एमाले सांसद् खेमप्रसाद लोहनीले भने, ‘चैत मसान्तसम्ममा धेरै ढिलो हुन्छ, चैत भन्यो असार जान्छ । त्यसकारण ४ महीनामा सबै नागरिकलाई खोप लगाउने व्यवस्था गर्नुपर्छ ।’ बैठकमा नेपाली कांग्रेसका सांसद् गगन थापाले सरकारले प्रशंसायोग्य काम गरिरहेकोमा व्यवस्थापनमा भने समस्या रहेको बताएका थिए । निषेधाज्ञा खुकुलो हुँदै गएपछि पछिल्लो समय कोरोनाको संक्रमण बढ्दै गएको छ । स्वास्थ्य तथा जनसंख्या मन्त्रालयका अनुसार बिहीवार मात्रै २४ घण्टाको अवधिमा १० हजार ८ सयको पीसीआर परीक्षण गर्दा ३ हजार २६० मा संक्रमण पुष्टि भएको छ भने थप ३२ जनाको कोभिडका कारण मृत्यु भएको छ ।

Aarthik Abhiyan आषाढ २०७८

चीनबाट श्रीलङ्कालाई दोस्रो चरणको खोप प्राप्त

चीनले आफ्नो छिमेकी मुलुक श्रीलङ्कालाई कोरोनाभाइरस विरुद्ध लगाइने दोस्रो चरणको खोप पनि उपलब्ध गराएको छ । चीन सरकारले दिएको दोस्रो चरणको खोप बुधबार स्वदेश आइपुगेको श्रीलङ्काका अधिकारीले जानकारी दिएका छन् । कोरोनाभाइरस विरुद्ध प्रयोग हुँदै आएको सिनोफर्मा खोप दोस्रो चरण अन्तर्गत पाँच लाख मात्रा चीनले श्रीलङ्कालाई उपलब्ध गराएको हो । कोरोनाभाइरसको महामारी फैलिइरहेको श्रीलङ्कामा खोपको अभाव भइरहेका बेला चीनले दोस्रो पटक पनि खोप उपलब्ध गराएपछि ठूलो राहत महसुस भएको अधिकारीले जनाएका छन् ।

गोरखापत्र बैशाख २०७८

भारतसँग खरिद गरेको कोभिडविरुद्धको खोप आइतबार प्राप्त हुँदै, फागुन २३ गतेबाट देशभर वितरण हुने

पहिलो पोस्ट माघ २०७७

कोभ्याक्समार्फत मोडर्नाको ४० लाखमात्रा खोप प्राप्त हुँदै

सम्बन्धित सामग्री