असोज १४, काठमाडौं । अटोमोवाईल्स एशोसिएशन अफ नेपाल (नाडा) ले भन्सार विभागका महानिर्देशक नारायणप्रसाद सापकोटासँग भन्सार सहजीकरणका लागि अपिल गरेको छ ।
बुधवार नाडाका अध्यक्ष कृष्णप्रसाद दुलालको नेतृत्वमा गएको छ सदस्यीय प्रतिनिधिमण्डलले भन्सार विभागका महानिर्देशक नारायणप्रसाद सापकोटालाई स्वागत गर्दै त्यस्तो अपिल गरेको हो ।
उक्त भेटवार्तामा नाडाका प्रतिनिधि र भन्सारका महानिर्देशक बीच विभिन्न विषयमा छलफल भएको थियो । यसैगरी महासचिव सुनिल रिजालले एचएस कोड परिवर्तन र साफटा सुविधाअन्तर्गत आउने अटोमोबाइल वस्तुहरूको वर्गीकरणमा स्पष्टता हुनुपर्ने बताए ।
छलफलमा नाडाका कोषाध्यक्ष सुरेन्द्र उप्रेतीले एलसी खोली व्यवसाय गर्दा पनि भन्सार नाकाहरूमा पर्ने समस्याहरूबारे जानकारी गराएका थिए। सोही क्रममा महानिर्देशक सापकोटाले विभागले व्यवसायीहरूका लागि सहजीकरण गरिने बताउँंदै व्यवसायीहरूका लागि अनलाइन पेमेण्ट र भेहिकल स्क्यानरको व्यवस्थासमेत गरिने बताए ।
उनले भन्सार विभागले अव ट्रस्टेड ट्रेडर्सहरूको प्रोफाइल समेत तयार गर्न लागेको बताउँदै यसबाट व्यवसायीहरूलाई सहज हुने विश्वास लिएको बताए ।
